ఆ టైటిల్‌కు రెండు కోట్లు డిమాండ్ ?
ABN , First Publish Date - 2021-12-07T20:20:41+05:30 IST
బెల్లంకొండ సాయిశ్రీనివాస్ ‘ఛత్రపతి’ రీమేక్ తో బాలీవుడ్‌లో లాంచ్ అవుతోన్న సంగతి తెలిసిందే. ఇదే సినిమాతో మాస్ డైరెక్టర్ వివి వినాయక్ దర్శకుడిగానూ బాలీవుడ్ లో ఎంట్రీ ఇస్తున్నారు. ప్రస్తుతం గుజరాత్ లో ఈ సినిమా షూటింగ్ జరుపుకుంటోంది. హిందీ నేటివిటీకి అనుగుణంగా స్వల్ప మార్పులతో స్ర్కిప్ట్ ను తీర్చిదిద్దారు వినాయక్. బాలీవుడ్ ప్రేక్షకుల అభిరుచికి అనుగుణంగా ఈ సినిమాకి గ్రాండ్ లుక్ తీసుకొచ్చే ప్రయత్నం చేస్తున్నారు. అయితే ఈ సినిమా టైటిల్ విషయం చిత్ర బృందానికి సమస్యగా మారింది.
బెల్లంకొండ సాయిశ్రీనివాస్ ‘ఛత్రపతి’ రీమేక్ తో బాలీవుడ్‌లో లాంచ్ అవుతోన్న సంగతి తెలిసిందే. ఇదే సినిమాతో మాస్ డైరెక్టర్ వివి వినాయక్ దర్శకుడిగానూ బాలీవుడ్ లో ఎంట్రీ ఇస్తున్నారు. ప్రస్తుతం గుజరాత్ లో ఈ సినిమా షూటింగ్ జరుపుకుంటోంది. హిందీ నేటివిటీకి అనుగుణంగా స్వల్ప మార్పులతో స్ర్కిప్ట్ ను తీర్చిదిద్దారు వినాయక్. బాలీవుడ్ ప్రేక్షకుల అభిరుచికి అనుగుణంగా ఈ సినిమాకి గ్రాండ్ లుక్ తీసుకొచ్చే ప్రయత్నం చేస్తున్నారు. అయితే ఈ సినిమా టైటిల్ విషయం చిత్ర బృందానికి సమస్యగా మారింది. నిజానికి ముందుగా ఈ మూవీకి ‘ఛత్రపతి’ టైటిల్‌నే ఖాయం చేశారు. అయితే అదే టైటిల్ ను వేరే వాళ్ళు రిజిస్టర్ చేయించుకోవడంతో ‘శివాజీ’ టైటిల్ అయినా పెడదాం అనుకున్నారు. ఆ టైటిల్ ను కూడా వేరే వాళ్లు రిజిస్టర్ చేయించడంతో సమస్య మొదలైంది.
ప్రస్తుతం వినాయక్ ‘ఛత్రపతి’ టైటిల్ గురించి వాళ్ళతో సంప్రదింపులు జరుపుతున్నారట. అయితే ఆ టైటిల్ కి.. రూ. 2కోట్లు డిమాండ్ చేస్తున్నారట. ఈ సినిమాకి ‘ఛత్రపతి’ టైటిల్ తప్ప వేరే ఆప్షన్ లేకపోవడంతో.. వినాయక్ అండ్ టీమ్ ఆలోచనలో పడ్డారట. మరి రెండు కోట్లిచ్చి ‘ఛత్రపతి’ టైటిల్ ను దక్కించుకుంటారా లేక వేరే టైటిల్ ఖాయం చేస్తారా అన్నది ఆసక్తిగా మారింది.