Project -k: ప్రభాస్‌–దీపికా పడుకోన్‌ సీన్‌ షురూ!
ABN , First Publish Date - 2021-12-04T21:13:50+05:30 IST
బాలీవుడ్‌ పొడుగు కాళ్ల సుందరి దీపికా పదుకోన్‌ భాగ్యనగరానికి చేరుకున్నారు. హైదరాబాద్‌లో ఆమె అడుగుపెడితే పెద్ద వింత ఏమిటి అనుకుంటున్నారా? తెలుగులో ఆమె నటించబోయే తొలి సినిమా షూటింగ్‌ కోసం ఆమె భాగ్యనగరంలో వాలిపోయింది. ప్రభాస్‌ హీరోగా ప్యాన్‌ ఇండియా స్థాయిలో తెరకెక్కనున్న ‘ప్రాజెక్ట్‌ –కె’లో దీపికా పడుకోన్‌ కథానాయిక.
హైదరాబాద్‌లో ‘ప్రాజెక్ట్‌– కె’ చిత్రీకరణ
క్వీన్‌ దీపికాకు స్వాగతం: వైజయంతీ మూవీస్‌
బాలీవుడ్‌ పొడుగు కాళ్ల సుందరి దీపికా పదుకోన్‌ భాగ్యనగరానికి చేరుకున్నారు. హైదరాబాద్‌లో ఆమె అడుగుపెడితే పెద్ద వింత ఏమిటి అనుకుంటున్నారా? తెలుగులో ఆమె నటించబోయే తొలి సినిమా షూటింగ్‌ కోసం ఆమె భాగ్యనగరంలో వాలిపోయింది. ప్రభాస్‌ హీరోగా ప్యాన్‌ ఇండియా స్థాయిలో తెరకెక్కనున్న ‘ప్రాజెక్ట్‌ –కె’లో దీపికా పడుకోన్‌ కథానాయిక. నాగ్‌ అశ్విన్‌ దర్శకత్వం వహిస్తున్న ఈ చిత్రాన్ని వైజయంతీ మూవీస్‌ సంస్థ నిర్మిస్తోంది. సైన్స్‌ ఫిక్షన్‌ కథాంశంతో రూపొందుతున్న ఈ చిత్రంలో దీపికా రాణిగా నటించనుంది. దీనికి సంబంధించిన సన్నివేశాలను హైదరాబాద్‌లో చిత్రీకరించనున్నారు. వెల్‌కమ్‌ క్వీన్‌ దీపికా’ అంటూ నిర్మాణ సంస్థ ఇన్‌స్టాగ్రామ్‌ వేదికగా శుభాకాంక్షలు తెలిపారు. జూన్‌లో అమితాబ్‌ బచ్చన్‌పై కీలక సన్నివేశాలు తెరకెక్కించిన సంగతి తెలిసిందే! డాని శాంచెజ్‌–లోపెజ్‌.. ఛాయగ్రాహకుడిగా పనిచేస్తున్నారు. మిక్కీ జే మేయర్‌ స్వరాలు అందిస్తున్నారు.