డబుల్‌ యాక్షన్‌

విష్వక్‌సేన్‌ కథానాయకుడిగా నటిస్తూ దర్శకత్వం వహిస్తున్న చిత్రం ‘దాస్‌ కా దమ్కీ’. కొత్త సంవత్సరంలో ప్రేక్షకుల ముందుకు రానుంది. కరాటే రాజు నిర్మాత. శుక్రవారం ఈచిత్రం ట్రైలర్‌ను నందమూరి బాలకృష్ణ విడుదల చేశారు. ఈ చిత్రంలో ఆయన ద్విపాత్రాభినయం చేస్తున్నారు. ట్రైలర్‌ ఆద్యంతం విష్వక్‌ ఒన్‌మాన్‌షో కనిపించింది. వెయిటర్‌గా, ప్రేమికుడిగా, ఫైటర్‌గా విష్వక్‌ తనలోని ఎమోషన్స్‌ను అద్భుతంగా పలికించారు. పాన్‌ ఇండియా స్థాయిలో రూపొందుతోన్న ఈ చిత్రంలో నివేతా పేతురాజ్‌ కథానాయిక. రావు రమేష్‌ కీలకపాత్రలో నటించారు. ఈ చిత్రానికి సంగీతం లియోన్‌ జేమ్స్‌. సినిమాటోగ్రఫీ: దినేష్‌ కె. బాబు.