ఫ్యాన్‌కి ప్రాంక్ కాల్ చేసిన యంగ్ హీరో.. నవ్వులు పంచుతున్న వైరల్ వీడియో
ABN , First Publish Date - 2021-12-25T17:07:21+05:30 IST
‘సోనీ కి టీటు కీ స్వీటీ’ సినిమాతో పాపులారిటీ సాధించిన నటుడు కార్తీక్ ఆర్యన్. ఇటీవలే నెట్‌ఫ్లిక్స్‌లో ‘ధమాకా’ సినిమాతో పలకరించిన ఈ యంగ్ హీరో ప్రస్తుతం ‘షాహ్‌జాదా’ అనే ఫ్యామిలీ ఎంటర్‌టైనర్‌లో నటిస్తున్నాడు..
‘సోనీ కి టీటు కీ స్వీటీ’ సినిమాతో పాపులారిటీ సాధించిన నటుడు కార్తీక్ ఆర్యన్. ఇటీవలే నెట్‌ఫ్లిక్స్‌లో ‘ధమాకా’ సినిమాతో పలకరించిన ఈ యంగ్ హీరో ప్రస్తుతం ‘షాహ్‌జాదా’ అనే ఫ్యామిలీ ఎంటర్‌టైనర్‌లో నటిస్తున్నాడు. టాలీవుడ్ హీరో అల్లు అర్జున్, డైరెక్టర్ త్రివిక్రమ్ కాంబినేషన్‌లో వచ్చిన సూపర్ హిట్ సాధించిన ‘అలవైకుంఠపురములో’ మూవీకి ఇది రిమేక్.
కార్తీక్ సినిమా షూటింగ్ ప్రస్తుతం పునేలోని ఓ కాలేజ్‌లో జరుగుతోంది. ఆ సమయంలో ఆయన చుట్టూ కాలేజ్ స్టూడెంట్స్ చేరారు. అనంతరం ఓ లేడి ఫ్యాన్‌కి ప్రాంక్ కాల్ చేశాడు ఈ యంగ్ హీరో. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. అందులో ‘యష్‌ని మాట్లాడుతున్న.. కార్తీక్ ఆర్యన్ ఎక్కడా’ అని అడిగాడు. మొదట ఆ ఫ్యాన్ ఆశ్చర్య పోయినప్పటికి అనంతరం ఆ హీరో వాయిస్‌ని గుర్తు పట్టింది. వెంటనే ‘మీరు కార్తీక్ ఆర్యన్ కదా’ అంటూ అడగగా.. అవునని తెలిపాడు ఈ ధమాకా హీరో. దీంతో అక్కడే ఉన్న విద్యార్థులు నవ్వుతూ ఆయనని ఎంకరేజ్ చేశారు.
అయితే ఇంతకుముందే ఓ క్లిప్‌ని షేర్ చేశాడు కార్తీక్. అందులో ఆయన క్రికెట్ అడుతూ ఉన్నాడు ఈ యంగ్ హీరో. దీంతో రణ్‌వీర్ సింగ్ ‘83’, షాహిద్ కపూర్ ‘జెర్సీ’ తర్వాత కార్తీక్ క్రికెట్ ఆధారంగా మూవీ చేయనున్నట్లు వార్తలు హల్‌చల్ చేస్తున్నాయి.