Anshu: అన్షుపై అనుచిత వ్యాఖ్యలు.. డైరెక్టర్‌జీ నోరు అదుపులో పెట్టుకోండి

మన్మథుడు ఫేం అన్షుపై  (Anshu) దర్శకుడు త్రినాధరావు నక్కిన (Trinadha Rao nakkina) చేసిన వ్యాఖ్యలు హాట్‌టాపిక్‌గా మారాయి. ప్రస్తుతం ఆ వీడియోలు నెట్టింట వైరల్‌ అవుతున్నాయి. త్రినాధరావుకి ఇలాంటి వ్యాఖ్యలు చేయడం కొత్తేమీ కాదు. ఆయనకు కాస్త నోటి దురుసు ఎక్కువ. వేదికపైకి ఎక్కగానే ఏదో పూనకం వచ్చినట్లు మాటలొస్తాయి. గతంలో కూడా రెండు సార్లు ఇలాగే వ్యాఖ్యలు చేసి  ట్రోలింగ్‌కు గురయ్యాడు. ఇప్పుడు 'మజాకా' సినిమా టీజర్‌ ఆవిష్కరణలో మరోసారి చీఫ్‌ కామెంట్స్‌ చేశాడు. మొదట వేదికపైకి వచ్చిన దర్శకుడు యాంకర్‌ గీతాభగత్‌పై సెటైర్లు వేశారు. సంక్రాంతి శుభాకాంక్షలు చెబుతూ షేకెండ్‌ ఇచ్చిన ఆమెను టచ్‌ బాగుండి అన్నాడు. పండగ బోణీ బావుంది అంటే వెకిలిగా మాట్లాడాడు. యాంకర్‌కు ఏం మాట్లాడాలో తోచని స్థితిలో ఎక్స్‌ప్రెషన్‌ ఇచ్చింది. తదుపరి అతని దృష్టి హీరోయిన్‌ అన్షు మీదకు వెళ్లింది. ఆయనేదో ఈ మధ్యనే పుట్టినట్లు "నా చిన్నప్పుడు మన్మథుడు సినిమా చూసి.. హీరోయిన్‌ (అన్షు) ఏంటి.. లడ్డూలా ఉందనుకునేవాళ్లం. హీరోయిన్‌ను చూసేందుకే సినిమాకు వెళ్లిపోయేవాళ్లం. ఆ మూవీలో ఓ రేంజ్‌లో ఉంటుంది. అదే హీరోయిన్‌ మజాకాలో హీరోయిన్‌గా కళ్ల ముందుకు వచ్చేసరికి ఇది నిజమేనా? అని ఆశ్చర్యపోయాను. ఇప్పుడు ఆమె సన్నబడింది. ఈ సైజులతో ఉంటే కష్టం అమ్మా.. అంటూ బాడీ షేప్స్‌ గురించి అసౌకర్యంగా ఉండేలా ఏదేదో మాట్లాడాడు. పైగా తను చెప్పినట్లే లావు పెరిగిందని కూడా కామెంట్‌ చేశాడు. ఇంకా వేదికపై కొంత ఓవరాక్షన్‌ చేశాడు. మరోవైపు, ‘సెకండ్‌ హీరోయిన్‌ పేరు..’ (మర్చిపోయినట్టుగా) అంటూ తాగడానికి నీళ్లు అడగడం సైతం చర్చనీయాంశమైంది. ఇదంతా చూసిన జనాలు సోషల్‌ మీడియా వేదికగా అసహనం వ్యక్తం చేస్తున్నారు. ముందు వేదికపై మాట్లాడటం నేర్చుకో. ఆ తర్వాత సినిమా తీయ్యి అంటూ అతన్ని ట్రోల్‌ చేస్తున్నారు. ఇకనైనా త్రినధరావు నోటి దూల తగ్గించుకుంటే మంచిదని నెటిజన్లు హితవు పలుకుతున్నారు. Director hot comments)

సందీప్‌ కిషన్‌ హీరోగా నక్కిన త్రినాధరావు (Trinadha Rao nakkina) దర్శకత్వం వహించిన చిత్రం 'మజాకా’. ఫిబ్రవరి 21న విడుదల కానుంది. రీతూ వర్మ, అన్షు హీరోయిన్లుగా నటించారు. ప్రసన్న కుమార్‌ బెజవాడ కథ అందించారు. ఆదివారం టీజర్‌ రిలీజ్‌ వేడుక జరిగింది. ఈ కార్యక్రమంలో దర్శకుడు త్రినాధావు హీరోయిన్‌ అన్షుపై అనుచిత వ్యాఖ్యలు చేశాడు.