Thandel 'X' Review: నాగ చైతన్య 'తండేల్'పై ఆడియెన్స్ ఒపీనియన్ ఇదే..

నాగ చైతన్య, సాయి పల్లవి జంటగా చందు మొండేటి తెరకెక్కించిన చిత్రం 'తండేల్'. ఈ సినిమాని అల్లు అరవింద్ సమర్పణలో బన్నీ వాస్ నిర్మించాడు. ఈ సినిమా శుక్రవారం ప్రేక్షకుల ముందుకు వచ్చింది. అయితే ఇప్పటికే రిలీజైన ట్రైలర్ కు మంచి స్పందన లభించగా, దేవి శ్రీ ప్రసాద్ స్వరపరిచిన ‘బుజ్జి తల్లి, శివ శక్తి, హైలెస్సో హైలెస్సా’ పాటలు మ్యూజిక్ చార్టులలో టాప్ ప్లేస్‌లో, అలాగే యూట్యూబ్‌లో ట్రెండింగ్‌లో నిలిచాయి. మరి ఈ సినిమాని చూసిన ప్రేక్షకులు ఏం అంటున్నారో తెలుసా..

రూ. 70 కోట్ల భారీ బడ్జెట్ తో నాగ చైతన్య కెరీర్ లోనే ఇది బిగ్గెస్ట్ ప్రాజెక్ట్ గా తెరకెక్కింది. చైతూకు ఇది సోలోగా ఫస్ట్ పాన్ ఇండియన్ ఫిల్మ్. ఉత్తరాది అభిమానులను కూడా ఆకర్షించేందుకు ఈ సినిమాలో కొన్ని ప్రత్యేకమైన ఎలిమెంట్స్ కు స్థానం కల్పించారు. మరి దర్శకుడు చందూ మొండేటి మరో విక్టరీ సాదించాడా? నాగ చైతన్య పర్ఫామెన్స్ ఎలా ఉంది? సాయి పల్లవి మరోసారి మ్యాజిక్ చేసిందా? డీఎస్పీ మ్యూజిక్ ఎలా ఉంది? అల్లు అరవింద్ సేఫెనా? అంటే.. ఇప్పటి వరకు ఈ సినిమాని ఓవర్సీస్, ప్రీమియర్స్‌లో చూసిన సినీ అభిమానులు ఏమంటున్నారు అంటే..

ఇప్పటి వరకు ఈ సినిమాని ఓవర్సీస్, ప్రీమియర్స్‌లో చూసిన సినీ అభిమానులు తమ అభిప్రాయాలను సోషల్ మీడియాలో షేర్ చేసుకుంటున్నారు. ఈ నేపథ్యంలోనే ఒకరు.. ' లవ్ స్టోరీ ఓకే చూడొచ్చు. నాగ చైతన్య, సాయి పల్లవి పర్ఫామెన్స్ సినిమాని నిలబెట్టాయి. డీఎస్పీ లవ్ స్టోరీస్ కు ఇచ్చే మ్యూజిక్ మాములుగా ఉండదు. రీసెంట్ ఇయర్స్ లో డీఎస్పీ బెస్ట్ మ్యూజిక్ ఇది, ఆర్ఆర్, బ్యాగ్రౌండ్ స్కోర్, సాంగ్స్ సినిమాకి బలంగా నిలిచాయి. కానీ.. స్లో నేరేషన్, పాకిస్థాన్ ఎపిసోడ్స్ సినిమాకు మైనస్ గా మారాయి . టోటల్ గా ఈ సినిమాని చూసేయొచ్చు' అంటున్నారు.

మరికొందరు రాస్తూ.. 'నటీ నటులు, మ్యూజిక్ డైరెక్టర్ అదరగొట్టారు. ఫస్ట్ ఆఫ్ ఓకే. సెకాండాఫ్ సాలిడ్‌గా ఉంది. కానీ రైటింగ్ మాత్రం చాలా వీక్ గా ఉందంటున్నారు. కార్తికేయ 2 లాంటి సినిమాని తెరకెక్కించిన డైరెక్టర్ ఈ సినిమాని తీశాడా అనే డౌట్ వస్తుంది' అని రాసుకొచ్చారు.

సోషల్ మీడియాలో భిన్న అభిప్రయాలు వ్యక్తం కావడం కామన్. పూర్తిగా ఒరిజినల్ రివ్యూ కోసం మరికొన్ని గంటలు ఆగాల్సిందే. ట్విట్టర్ రివ్యూల ఆధారంగా సినిమాకి వెళ్దాం అనుకుంటే.. ఈ సినిమాని ఒక్కసారి థియేటర్‌లలో చూసేయొచ్చు.