SSMB29: టైటిల్‌ కోసం కసరత్తులు మొదలు...

మహేష్‌ బాబు (Mahesh Babu) హీరోగా రాజమౌళి (SS Rajamouli) దర్శకత్వం వహిస్తున్న 'ఎస్‌ఎస్‌ఎంబీ29’ (SSMB29) చిత్రం షూటింగ్‌ సైలెంట్‌గా మొదలైంది. ఇప్పటికే మహేష్‌ బాబు, ప్రియాంకా చోప్రాలపై ఓ కీలకమైన సన్నివేశాన్ని 5 రోజులపాటు అల్యూమినియం ఫ్యాక్టరీలో వేసిన సెట్‌ లో తీర్చిదిద్దారు. తదుపరి షెడ్యూల్‌ కూడా త్వరలోనే మొదలు కానుంది. ఈ సినిమాలోని ఓ కీలకమైన పాత్రలో నానా పటేకర్‌ కనిపించబోతున్నారని టాక్‌. ఆయనపై కూడా లుక్‌ టెస్ట్‌ నిర్వహించారని ఇన్‌ సైడ్‌ వర్గాలు చెబుతున్నాయి. ఇందులో మహేష్‌ తండ్రి పాత్రకు చాలా ప్రాధాన్యం ఉందట. ఆ పాత్ర కోసం ఎవరిని ఎంచుకొంటారా? అనేది ఆసక్తిని రేకెత్తిస్తోంది. నానా పటేకర్‌ని (Nanaa patekar) తీసుకొంది మహేష్‌ తండ్రి పాత్ర కోసమా? కాదా? అనేది తెలియాల్సి ఉంది. మరో పక్క ఈ సినిమా టైటిల్‌ కోసం రాజమౌళి అన్వేషణ మొదలైంది.

‘మహారాజ్‌’ (Maharaj), ‘గరుడ’ (Garuda) అనే టైటిల్స్‌ ఈ సినిమా కోసం పరిశీలించారని టాక్‌ నడిచింది. ఇవి రెండూ ఇప్పుడు ఓల్డ్‌ టైటిళ్లు అయిపోయాయి. కాబట్టి వాటి జోలికి వెళ్లకుండా ‘జనరేషన్‌’ (Generation) అనే అర్థం వచ్చేలా ఓ పాన్‌ వరల్డ్‌ టైటిల్‌ కోసం అన్వేషిస్తున్నారని తెలుస్తోంది. ఈ కథకు తరతరాల లింక్‌ ఉంది. అందుకే అలాంటి టైటిల్‌ యాప్ట్‌ అని భావిస్తున్నారు. ఈ చిత్రానికి సంబంధించిన ఏ విషయాన్నీ రాజమౌళి బయటకు రానివ్వడం లేదు. ప్రియాంక చోప్రాని ఎంచుకున్న సంగతి కూడా అధికారికంగా ప్రకటించలేదు. మీడియాలో ఎన్ని కథనాలు వచ్చిన రాజమౌళి అండ్‌ కో నుంచి ఎలాంటి స్పందన లేదు.