Oh Bhama Ayyo Rama: సుహాస్ కొత్త లవ్స్టోరీ
ABN , Publish Date - Mar 24 , 2025 | 04:56 PM
సుహాస్ (Suhas) తాజాగా నటిస్తున్న రొమాంటిక్ కామెడీ ఎంటర్టైనర్ 'ఓ భామ అయ్యో రామ' (Oh Bhama Ayyo Rama). మాళవిక మనోజ్ (జో ఫేమ్) ఈ చిత్రంతో తెలుగులో కథానాయికగా పరిచయమవుతోంది.
సుహాస్ (Suhas) తాజాగా నటిస్తున్న రొమాంటిక్ కామెడీ ఎంటర్టైనర్ 'ఓ భామ అయ్యో రామ' (Oh Bhama Ayyo Rama). మాళవిక మనోజ్ (జో ఫేమ్) ఈ చిత్రంతో తెలుగులో కథానాయికగా పరిచయమవుతోంది. రామ్ గోధల దర్శకుడు. వీ ఆర్ట్స్ పతాకంపై హరీష్ నల్ల ఈ చిత్రాన్ని నిర్మిస్తున్నారు. రానా దగ్గుబాటి, స్పిరిట్ మీడియా ఈ చిత్రాన్ని విడుదల చేయనుంది. సోమవారం ఈ సినిమా టీజర్ విడుదల చేశారు మేకర్స్.
సుహాస్ మాట్లాడుతూ ''దర్శకుడు రామ్ నాకు ఎప్పట్నుంచో తెలుసు. చెప్పిన వెంటనే నాకు లవ్స్టోరీ ఎందుకు అన్నాను. కానీ కన్వీన్స్ చేశాడు. ఈ చిత్రంలో సాంగ్స్ చాలా బాగుంటాయి. నిర్మాత ఎక్కడా రాజీ పడకుండా చాలా క్వాలిటీగా సినిమాను తీస్తున్నాడు. సినిమాలో ప్రతి సన్నివేశం కొత్తగా ఉంటుంది. లవ్స్టోరీ కొత్తగా ఉంటుంది. పాటలు చాలా బాగుంటాయి తప్పకుండా సినిమా అందరికి నచ్చుతుందనే నమ్మకం ఉంది" అన్నారు.
నిర్మాత హరీష్ మాట్లాడుతూ ''పూర్తి ఎంటర్టైనింగ్గా రాబోతున్న ఈ రొమాంటిక్ ఎంటర్టైనర్ మీ హృదయాలను దోచుకుంటుంది. తప్పకుండా నిర్మాతగా ఓ మంచి సినిమాను ఇవ్వబోతున్నాం అనే నమ్మకం ఉంది" అన్నారు.
మాళవిక మాట్లాడుతూ ''ఈ సినిమాపై నాకు చాలా నమ్మకం ఉంది. నాకు తెలుగులో ఓ మంచి సినిమాతో అడుగు పెడుతున్నందుకు ఆనందంగా ఉంది. తప్పకుండా ఈ సినిమా అందరికి నచ్చుతుందనే నమ్మకం ఉంది" అన్నారు.
రామ్ గోదాల మాట్లాడుతూ ''ప్రతి ఒక్కరికి సినిమా తీయాలనే కల ఉంటుంది. దర్శకుడిగా తన పేరును వెండితెరపై చూసుకోవాలని ఉంటుంది. ఈ రోజు నేను దర్శకుడి నా పేరు చూసుకోవడానికి కారణం హీరో సుహాస్. నిర్మాత హరీష్ కథ చెప్పగానే క్వాలిటీగా తీద్దామని చెప్పాడు. ఎక్కడా రాజీ పడకుండా చేసాడు. మణికందన్ ఫోటోగ్రఫీతో ఈ సినిమాను చాలా కలర్ఫుల్గా మలిచాడు.రథన్ ఈ లవ్స్టోరీకి చాలా మంచి సంగీతాన్ని అందించాడు. ఈ సినిమాలో ఉన్న ఆరుపాటలు వేటికవే అనే విధంగా బ్యూటిఫుల్గా ఉంటాయి అన్నారు.