Nani Vs Salman: సల్మాన్‌ఖాన్‌ వ్యాఖ్యలకు నాని కౌంటర్‌..
ABN , Publish Date - Apr 29 , 2025 | 08:16 PM
సౌత్‌ ఆడియన్స్‌ను ఉద్దేశించి ఓ వేడుకలో సల్మాన్‌ ఖాన్‌ చేసిన వ్యాఖ్యలు చర్చనీయాంశమైన సంగతి తెలిసిందే.
సౌత్‌ ఆడియన్స్‌ను ఉద్దేశించి ఓ వేడుకలో సల్మాన్‌ ఖాన్‌ (Salman Khan) చేసిన వ్యాఖ్యలు చర్చనీయాంశమైన సంగతి తెలిసిందే. ‘సికందర్‌’ ప్రచారంలో పాల్గొన్న ఆయన ‘‘దక్షిణాది అభిమానులు నేను రోడ్లపై కనిపిస్తే భాయ్‌ భాయ్‌’ అంటూ ప్రేమ చూపిస్తారు. కానీ ఆ ప్రేమ థియేటర్లతో ఉండదు’’ అని అన్నారు. ఈ వ్యాఖ్యలను నాని (Nani) తోసిపుచ్చారు.
‘‘సౌత్‌ సినిమాలు ప్రపంచవ్యాప్తంగా గుర్తింపు తెచ్చుకుంటున్నాయి. వీటికంటే ముందే హిందీ చిత్రాలను మనం ఆదరిస్తున్నాం. ఎన్నో దశాబ్దాల నుంచి బాలీవుడ్‌ సినిమాలపై ఆదరాభిమానాలు చూపిస్తున్నాం. అమితాబ్‌ నటించిన ఎన్నో సినిమాలు మన దగ్గర అద్భుతమైన విజయం సాధించాయి. అలాగే ‘కుచ్‌ కుచ్‌ హోతా హై’, ‘దిల్‌ తో పాగల్‌ హై’ వంటి చిత్రాలు ఇక్కడి వారికి ఎన్నో మంచి జ్ఞాపకాలు ఇచ్చాయి. దేశమంతటా హిందీ సినిమాలకు ఎప్పుడూ ఆదరణ ఉంటుంది. సల్మాన్‌ఖాన్‌కి కూడా ఇక్కడ భారీ అభిమానగణం ఉంది. ఆయన నటించిన ‘హమ్‌ ఆప్‌కే హై కౌన్‌’ చిత్రం నాకు ఎంతో ఇష్టం. ‘దీదీ తేరా దీవానా’ పాట ప్రతి పెళ్లిలోనూ వినిపిస్తుంది. బహుశా సల్మాన్‌ వ్యాఖ్యలను మనం తప్పుగా అర్థం చేసుకున్నామేమో’’ అని అన్నారు.