Nara Brahmani: బాలయ్య గ్రాఫ్ పెరుగుదలకు రీజన్ ఏంటో తెలుసా..
ABN , Publish Date - Feb 05 , 2025 | 08:28 AM
బాలకృష్ణ గురించి ఒక్కొక్కరు ఒకలా మాట్లాడుకుంటారు. మరి బాలయ్య కూతుర్లు ఏం అనుకుంటున్నారో తెలుసా?
పద్మభూషణ్ నందమూరి బాలకృష్ణ సినిమాల ఛాయిస్, వ్యక్తిత్వం గురించి తెలుగు వారికి ప్రత్యేకంగా చెప్పాల్సిన అవసరం లేదు. ఆయన కెరీర్ ఎంతో ఎత్తులో ఉన్నా ఆయన ఒదిగే ఉంటారు. పైకి యాంగ్రీగా కనిపించే బాలయ్య తన బంధు మిత్రుల ముందు బాలకృష్ణుడిగా మారిపోతుంటారు. ఇటీవల ఆయన సోదరి, ఏపీ సీఎం చంద్రబాబు నాయుడు భార్య నారా భువనేశ్వరి.. బాలయ్యకు పద్మభూషణ్ అవార్డు వరించిన నేపథ్యంలో హైదరాబాద్ శివార్లలోని చంద్రబాబు ఫార్మ్ హౌస్ లో పార్టీ అరేంజ్ చేసిన విషయం తెలిసిందే.
ఈ పార్టీలో పాల్గొన్న ఒక్కొక్కరి చేత బాలకృష్ణ మీద అభిప్రాయాలు పంచుకోవాల్సిందిగా కోరారు. ఈ నేపథ్యంలో స్టేజ్ ఎక్కిన బాలయ్య పెద్ద కుమార్తె.. నారా బ్రాహ్మణి మాట్లాడుతూ.. 'నా చిన్నప్పుడు నాన్నని నేను, తేజు(సోదరి) ఇద్దరు అపార్థం చేసుకున్నాం. ఆయన ఎప్పుడూ లోపల ఒకటి బయట ఒకటి మాట్లాడారు లోపల ఏది అనిపిస్తే అది బయటికి అనేస్తారు. అలా అనే నేపథ్యంలో కొన్నిసార్లు నాన్న ఏంటి ఇలా అంటున్నాడు అని తప్పుగా అర్థం చేసుకునేవాళ్లం. కానీ ఎదిగిన తర్వాత అలా ఉండడం ఎంత అవసరమో అర్థమైంది. అలాగే అలా ఉండడం ఎంత కష్టమో కూడా అర్థమైంది' అన్నారు. ఇక చిన్న కుమార్తె తేజస్వి మాట్లాడుతూ.. ' నాన్న గ్రాఫ్ పెరగడానికి నేనే కారణమని సరదాగా చెప్పుకొచ్చింది. ప్రస్తుతం వీళ్లిద్దరు మాట్లాడిన ముచ్చట్లు సోషల్ మీడియాలో వైరల్ గా మారాయి.
మాన్షన్‌ హౌస్‌‌తో అనుబంధం
ఇక సోదరి భువనేశ్వరి.. మీకు మాన్షన్‌ హౌస్‌కి అంతా అనుబంధం ఏంటి? ఎప్పుడు చంకలో పెట్టుకుని వెళ్తారు? అని బాలయ్యను ప్రశ్నించగా.. బాలయ్య సమాధానమిస్తూ.. 'మన ఇల్లు మాన్షన్‌లాగే.. మాన్షన్‌ హౌస్ నాకు మాన్షస్‌ అయిపోయింది. నన్ను అది బాగా ప్రేమించేసింది. అందుకే నాతోనే ఉంటుంది. ఇక వసుంధర, మాన్షన్‌ హౌస్‌ల గురించి చెప్పాలంటే.. చిత్ర పరిశ్రమకు రెండు కళ్లగా ఎన్టీఆర్‌, ఏయన్నార్‌ ఎలాగైతే ఉన్నారో.. నాకు వసుంధర, మాన్షన్‌ హౌస్ రెండు కళ్లలాంటివి' అన్నారు.