Akhanda 2: ఇది అఖండ కాదు మహాఖండ..
ABN , Publish Date - Jan 14 , 2025 | 07:32 AM
Akhanda 2: ఇప్పటికే ఈ సినిమా టైటిల్ ఇంట్రో వీడియో, పోస్టర్ అభిమానుల్లో పూనకాలు తెప్పించింది. తాజాగా ఈ సినిమా నుండి మరో అదిరిపోయే అప్డేట్ వచ్చింది. ఏంటంటే..
‘సింహ, లెజెండ్, అఖండ’ వంటి బ్లాక్‌బస్టర్స్ చిత్రాల తర్వాత నాల్గవసారి నందమూరి బాలకృష్ణ, బోయపాటి చేయనున్న మూవీ ‘అఖండ 2’. వీరి కాంబినేషన్ లో వచ్చిన ‘అఖండ’ సినిమాకి ఇది సీక్వెల్‌గా రానున్న విషయం తెలిసిందే. ఇప్పటికే ఈ సినిమా టైటిల్ ఇంట్రో వీడియో, పోస్టర్ అభిమానుల్లో పూనకాలు తెప్పించింది. తాజాగా ఈ సినిమా నుండి మరో అదిరిపోయే అప్డేట్ వచ్చింది. ఏంటంటే..
ఇప్పటికే ఈ సినిమాని దసరా కానుకగా సెప్టెంబర్ 25న రిలీజ్ చేయనున్నట్లు తెలిపిన విషయం తెలిసిందే. తాజాగా ఈ సినిమాలోని కీలక సన్నివేశాలను 'మహాకుంభమేళా'లో చిత్రీకరిస్తున్నారు. ఈ విషయాన్ని మూవీ టీమ్ అఫీషియల్ గా తమ సోషల్ మీడియా ఖాతా ద్వారా షేర్ చేసింది. దీంతో అభిమానుల్లో బజ్ మరింత పెరిగింది. ఈ సినిమాకి మ్యూజిక్ సెన్సేషన్ ఎస్ థమన్ సంగీతం అందిస్తున్నారు. సినిమాటోగ్రాఫర్ సి రాంప్రసాద్, ఎడిటర్ తమ్మిరాజు, ఆర్ట్ డైరెక్టర్ ఎఎస్ ప్రకాష్‌ లతో పాటు అత్యున్నత సాంకేతిక నిపుణులు ఈ సినిమా కోసం పని చేస్తున్నారు.
మరోవైపు బాలకృష్ణ హీరోగా సంక్రాంతి బరిలో విడుదలై చక్కని విజయాన్ని అందుకొంది ‘డాకు మహారాజ్‌’. దీంతో చిత్రబృందంపై నెటిజన్లు ప్రశంసలు కురిపిస్తూ శుభాకాంక్షలు చెబుతున్నారు. ఈ సినిమా బాలకృష్ణ కెరీర్‌లో అత్యధిక వసూళు సాధించిన చిత్రాల లిస్ట్‌లో ఈ చిత్రం చేరింది.