Dooradarsini: కార్తీక్ దండు వదిలిన 'నా నీడ వెళుతుందా' లిరికల్ వీడియో
ABN , Publish Date - Mar 30 , 2025 | 10:44 PM
’దూరదర్శని సినిమా నుంచి 'నా నీడ వెళుతుందా' అనే లిరికల్ వీడియోను విరూపాక్ష దర్శకుడు కార్తీక్ దండు విడుదల చేశారు.
సువిక్షిత్ బొజ్జ, గీతిక రతన్ (geethika Ratan)జంటగా నటిస్తున్న చిత్రం ’దూరదర్శని’ (Dooradarsini) . కార్తికేయ కొమ్మి దర్శకుడు. వారాహ మూవీ మేకర్స్ పతాకంపై బి.సాయి ప్రతాప్ రెడ్డి, జయ శంకర్ రెడ్డి నిర్మిస్తున్న ఈ చిత్రం ప్రస్తుతం నిర్మాణానంతర పనుల్లో ఉంది. 1990వ నేపథ్యంలో అందరి హృదయాలను హత్తుకునే ప్రేమకథగా ఈ చిత్రం రూపొందుతుంది. తాజాగా ఈ చిత్రం నుంచి 'నా నీడ వెళుతుందా' అనే లిరికల్ వీడియోను విరూపాక్ష దర్శకుడు కార్తీక్ దండు విడుదల చేశారు. అనురాగ్‌ కులకర్ణి, సునీత ఆలపించిన ఈ బ్యూటిఫుల్‌సాంగ్‌కు నారాయణ ఆవుల సాహిత్యం అందించారు. ఆనంద్‌ గుర్రాన బాణీలు సమకూర్చారు.
దర్శకుడు మాట్లాడుతూ “ఈ సినిమా అందరిని 90వ దశకంలోకి తీసుకెళ్లి మీ జ్ఞాపకాల్ని గుర్తుకు తెస్తుంది. అందరికి వాళ్ల వాళ్ల ప్రేమకథలు కూడా గుర్తుకు వస్తాయి. తాజాగా విడుదలైన ఈ లిరికల్ వీడియో అందరి హృదయాలకు హత్తుకుంటుంది. ప్రేమలోని గాఢతను వర్ణించే ఈ సాంగ్‌ను ప్రముఖ నేపథ్య గాయకులు అనురాగ్‌ కులకర్ణి, సునీత తమ గాత్రంతో ప్రాణం పోశారు. త్వరలోనే విడుదల తేదిని కూడా ప్రకటిస్తాం' అన్నారు.