KIran Abbavaram: త్వరలో తండ్రి కాబోతున్నారు 

హీరో కిరణ్‌ అబ్బవరం (Kiran Abbavaram) అభిమానులకు శుభవార్త చెప్పారు. తాను తండ్రిని కాబోతున్నట్లు వివరించారు. ఈ విషయాన్ని తెలుపుతూ మంగళవారం ఉదయం ట్వీట్ చేశారు. తన భార్య  రహస్యతో (Rahasya gorak) దిగిన స్పెషల్‌ ఫొటోను అభిమానులతో పంచుకున్నారు. ‘మా ప్రేమ పెరుగుతోంది’ అని ఆ ఫొటోకు క్యాప్షన్‌ పెట్టారు. అందరి ఆశీస్సులు తమకు ఉండాలని కోరుకున్నారు. దీనిపై నెటిజన్లు స్పందిస్తూ.. కిరణ్‌-రహస్య దంపతులకు శుభాకాంక్షలు చెబుతున్నారు. 

‘రాజావారు.. రాణిగారు’ తో కిరణ్‌ తెరంగేట్రం చేసిన సంగతి తెలిసిందే. అందులో రహస్య హీరోయిన్‌గా నటించారు. ఆ మూవీ షూటింగ్‌లోనే ఇద్దరి మధ్య ఏర్పడిన స్నేహం.. తర్వాత ప్రేమగా మారింది. గతేడాది ఆగస్టులో వీరిద్దరూ వివాహ బంధంలోకి అడుగుపెట్టారు. కుటుంబసభ్యులు, కొద్దిమంది అతిథుల సమక్షంలో వీరి వివాహం జరిగింది. గత ఏడాది ‘క’తో (KA)కిరణ్‌ అబ్బవరం సూపర్‌హిట్‌ను అందుకున్నారు.