Tarak: జపాన్ లో తారక్ అభిమాని ఏం చేసిందో చూడండి..  

జపాన్‌లో దేవర సినిమా విడుదల సందర్భంగా తారక్ అక్కడికి వెళ్లి సినిమాను ప్రమోట్ చేశారు. సినిమాకు వస్తున్నా స్పందన,  పర్యటనపై ఎన్టీఆర్‌ (NTR) ఆనందం వ్యక్తం చేశారు. ఓ అభిమాని తెలుగు నేర్చుకోవడంపై ప్రత్యేకంగా సోషల్‌ మీడియాలో పోస్టు పెట్టారు. (Japan Lady Fans)

‘‘జపాన్‌ ట్రిప్ నాకు ఎప్పుడు మంచి జ్ఞాపకాలను  అందిస్తుంటుంది. కానీ, ఈసారి భిన్నంగా అనిపించింది. ‘ఆర్‌ఆర్‌ఆర్‌’ (RRR) చూసిన తర్వాత తెలుగు నేర్చుకున్నానని ఓ జపనీస్‌ అభిమాని చెప్పడం నన్ను కదిలించింది. భాషలు, సినీ అభిమానిగా.. విభిన్న సంస్కృతులతోపాటు భాష నేర్చుకునేందుకు సినిమా దోహదపడుతున్నందుకు సంతోషిస్తున్నా. భారతీయ సినిమా ప్రపంచస్థాయిలో అభిమానుల్ని సొంతం చేసుకుంటుందనేందుకు ఇది మరో కారణం’’ అని పేర్కొన్నారు. ఆ వీడియోలో ఓ మహిళా అభిమాని "అన్నా 'ఆర్ఆర్ఆర్" సినిమా చూసి నేను తెలుగు నేర్చుకున్నాను. రెండేళ్ల  ముందు అమెజాన్ సేల్స్ లో తెలుగు పుస్తకం కొని.. అక్షరాలు నేర్చుకున్నా" అంటూ తెలుగులో ముద్దు ముద్దుగా మాట్లాడింది. ప్రస్తుతం ఈ వీడియో నెట్టింట వైరల్ అవుతోంది. తారక్ అభిమానులు అందరికి ఆటోగ్రాఫ్ ఇచ్చారు.