Bilingual film: మిధున్ చక్రవర్తి లవ్ స్టోరీ బిగిన్స్...
ABN , Publish Date - Mar 03 , 2025 | 04:37 PM
తెలుగు మూలాలు ఉన్న తమిళ యువకుడు మిధున్ చక్రవర్తి స్వీయ దర్శకత్వంలో హీరోగా నటిస్తూ 'లవ్ స్టోరీ బిగెన్స్' మూవీని నిర్మిస్తున్నాడు. దీనికి సంబంధించిన ఓ పాటను హైదరాబాద్ లో విడుదల చేశారు.
తెలుగు మూలాలు ఉన్న 21 సంవత్సరాల తమిళ చిచ్చర పిడుగు మిథున్ చక్రవర్తి (Mithun Chakravarthi) హీరో కమ్ డైరెక్టర్ కమ్ ప్రొడ్యూసర్ గా తమిళ, తెలుగు భాషల్లో 'లవ్ స్టోరీ బిగిన్స్' (Love Story Begins) అనే సినిమా చేస్తున్నాడు. వర్మ ఫిల్మ్ ఫ్యాక్టరీ పతాకంపై ప్రేమలోని కొత్త కోణాన్ని సరికొత్తగా ఆవిష్కరిస్తున్న ఈ సినిమాలో వర్ష, శ్వేత హీరోయిన్లుగా నటిస్తున్నారు. ఈ సినిమా కోసం హీరోహీరోయిన్లపై చిత్రీకరించిన 'వస్తావా...' అనే పాటను హైదరాబాద్ లో జరిగిన మీడియా సమావేశంలో ఆవిష్కరించారు. అమర్ గీత్ సంగీత సారధ్యంలో శివమణి (Sivamani) రాసిన ఈ పాటను.. భవదాయిని నాగరాజ్, విద్యుత్ శ్రీనివాస్, థామస్ చిరమేల్ అలెగ్జాండర్ ఆలపించారు. ఇదే పాటను దుబాయి నుంచి కూడా విడుదల చేయడం విశేషం.
పాట విడుదల అనంతరం మిథున్ చక్రవర్తి మాట్లాడుతూ, "చిన్నప్పటినుంచి సినిమాలే లోకంగా పెరిగాను. సినిమాలే నా జీవితం అని ఫిక్సయిపోయాను. నా జీవితంలో జరిగిన యదార్ధ సంఘటనల ఆధారంగా... బోలెడు వినోదానికి రవ్వంత సందేశం జోడించి రూపొందిస్తున్న చిత్రమే 'లవ్ స్టోరీ బిగిన్స్' అని అన్నారు. ఈ చిత్రంలో నటించే అవకాశం లభించడం పట్ల హీరోయిన్లు వర్ష, శ్వేత హర్షం వ్యక్తం చేశారు. తమిళనాడు, ఆంధ్రప్రదేశ్, తెలంగాణ రాష్ట్రాలతోపాటు దుబాయిలో షూటింగ్ జరుపుకునే ఈ సినిమా ఇదే యేడాది జనం ముందుకు రానుంది.
Also Read: Tollywood: మార్చి 7న మాస్ జాతరే...
మరిన్ని వార్తల కోసం ఇక్కడ క్లిక్ చేయండి