Ajith Car Racing: అజిత్‌కు పవన్ కళ్యాణ్ శుభాకాంక్షలు
ABN , Publish Date - Jan 13 , 2025 | 02:39 PM
దుబాయ్‌లో భారతీయ విజయ పతాకాన్ని ఎగురవేశారు హీరో అజిత్‌కుమార్‌(Ajithkumar) . కారు రేసింగ్‌లో సత్తా చాటిన అజిత్‌కు ప్రముఖుల నుంచి ప్రశంసలు వెల్లువెత్తుతున్నాయి.
దుబాయ్‌లో భారతీయ విజయ పతాకాన్ని ఎగురవేశారు హీరో అజిత్‌కుమార్‌(Ajithkumar) . కారు రేసింగ్‌లో సత్తా చాటిన అజిత్‌కు ప్రముఖుల నుంచి ప్రశంసలు వెల్లువెత్తుతున్నాయి. ఈ రేసింగ్‌కు రెండు రోజు ముందు ప్రమాదం నుంచి బయటపడిన ఆయన పోటీల్లో టాప్‌లో నిలిచారు. ‘అజిత్‌ కుమార్‌ రేసింగ్‌’ పేరుతో ఇటీవల ఒక రేసింగ్‌ టీమ్‌ను (Car racing team) ప్రకటించిన ఆయన తాజాగా తన టీమ్‌తో కలిసి దుబాయ్‌ వేదికగా జరుగుతోన్న 24హెచ్‌ దుబాయ్‌ కారు రేసింగ్‌లో పాల్గొని విజయాన్ని అందుకున్న సంగతి తెలిసిందే. దీంతో సినీ, రాజకీయ ప్రముఖులు ఆయనపై ప్రశంసలు కురిపిస్తున్నారు. ఈ క్రమంలో రేసులో గెలిచిన ఆనందాన్ని అజిత్‌ తన కుటుంబసభ్యులతో పంచుకున్నారు. తన భార్య షాలినికి థాంక్స్‌ చెప్పారు. ఆమెను ఆప్యాయంగా హత్తుకున్నారు. ‘షాలిని నన్ను ఈ రేసులో పాల్గొనడానికి అనుమతించినందుకు నీకు ధన్యవాదాలు’ అని చెప్పారు. ప్రస్తుతం ఈ వీడియో వైరల్‌గా మారింది. అంతే కాదు పలువురు సెలబ్రిటీలు అజిత్‌ శుభాకాంక్షలు తెలిపారు. అగ్ర కథానాయకుడు రజనీకాంత్‌, సమంత సోషల్‌ మీడియాలో అజిత్‌ను ఉద్దేశించి పోస్ట్‌లు పెట్టారు. ‘అభినందనలు అజిత్‌. నువ్వు సాధించావు లవ్‌యూ’ అంటూ రజనీకాంత్‌ సోషల్‌మీడియాలో పోస్ట్‌ పెట్టారు.
‘తొలి రేసులో అజిత్‌ కుమార్‌ రేసింగ్‌ టీమ్‌ అసాధారణ విజయాన్ని సాధించింది. నా ేస్నహితుడు అజిత్‌ వైవిధ్యమైన అభిరుచుల్లో సత్తా చాటుతున్నారు. ఇవి గర్వకారణమైన క్షణాలు’ - కమల్‌ హాసన్‌(Kamal Haasan)
‘‘అజిత్‌ కుమార్‌, ఆయన టీమ్‌కు హృదయపూర్వక అభినందనలు. గొప్ప సంకల్పంతో సవాళ్లను అధిగమించి ప్రపంచ వేదికపై భారతీయ జెండాను ఎగురవేయడం నిజంగా స్ఫూర్తిదాయకం. మీరు, మీ టీమ్‌ మరిన్ని విజయాలు సొం్ఫతం చేసుకోవాలని కోరుకుంటున్నా’’- పవన్‌కల్యాణ్‌ (Pawan Kalyan)
‘మీరు ఇప్పటివరకు సాధించిన విజయాలతో ఆగిపోకుండా.. మిమ్మల్ని మీరు మెరుగుపరుచుకుంటూ ముందుకసాగుతున్నారు. కష్టపడితే ఏదైనా సాధించవచ్చు అనే దానికి మీరే ప్రత్యేక ఉదాహరణ’’- సమంత
‘అజిత్‌ సర్‌.. ఇది అద్బు?తమైన విజయం. మీ టీమ్‌ అందరికీ శుభాకాంక్షలు.. మీ విజయాన్ని చూసి నేను థ్రిల్‌ అయ్యాను. మన దేశానికి, తమిళనాడుకు మరింత కీర్తిని తీసుకురావాలని కోరుకుంటున్నా’ - ఉదయనిధి స్టాలిన్‌