Aha Ott: అదిరిపోయే పెర్‌ఫార్మెన్స్‌లతో'డ్యాన్స్ ఐకాన్ 2 - వైల్డ్ ఫైర్
ABN , Publish Date - Feb 02 , 2025 | 10:44 AM
'డ్యాన్స్ ఐకాన్ సీజన్ 2 వైల్డ్ ఫైర్' ఫిబ్రవరి 14వ తేదీ నుంచి ఓహా ఓటీటీలో ప్రీమియర్ కు రెడీ అవుతోంది. ఈ షో కు ఓంకార్, హీరోయిన్ ఫరియా అబ్దుల్లా, శేఖర్ మాస్టర్ హోస్ట్ లు గా వ్యవహరిస్తున్నారు. డ్యాన్స్ ఐకాన్ 2 వైల్డ్ ఫైర్ కార్యక్రమంలో దేశవ్యాప్తంగా కంటెస్టెంట్స్ పాల్గొంటున్నారు.
డ్యాన్స్ లవర్స్ ను మెస్మరైజ్ చేసిన డ్యాన్స్ ఐకాన్ సీజన్ 1కు కొనసాగింపుగా 'డ్యాన్స్ ఐకాన్ సీజన్ 2 వైల్డ్ ఫైర్' (Dance Ikon 2 - Wild Fire) ఫిబ్రవరి 14వ తేదీ నుంచి ఓహా ఓటీటీలో (Aha Ott)ప్రీమియర్ కు రెడీ అవుతోంది. ఈ షో కు ఓంకార్, హీరోయిన్ ఫరియా అబ్దుల్లా(Faria abdullah), శేఖర్ మాస్టర్ హోస్ట్ లు గా వ్యవహరిస్తున్నారు. డ్యాన్స్ ఐకాన్ 2 వైల్డ్ ఫైర్ కార్యక్రమంలో దేశవ్యాప్తంగా కంటెస్టెంట్స్ పాల్గొంటున్నారు. హిప్ హాప్, క్లాసికల్, కాంటెంపరరీ స్టైల్ లో డ్యాన్స్ పర్ ఫార్మెన్స్ ఆకట్టుకోనున్నాయి.
ఓంకార్ మాట్లాడుతూ (Omkar)"డ్యాన్స్ ఐకాన్ 1 ఎంత సక్సెస్ అయ్యిందో అందరికి తెలుసు. ఇప్పుడు డ్యాన్స్ ఐకాన్ 2 వైల్డ్ ఫైర్ ను మీ ముందుకు తీసుకొస్తుండటం సంతోషంగా ఉంది. ఫరియా అబ్దుల్లా హోస్ట్ గా చేస్తుండటం హ్యాపీగా ఉంది. శేఖర్ మాస్టర్ సెకండ్ టైమ్ ఈ షోకు హోస్ట్ గా వ్యవహరిస్తున్నారు. డ్యాన్స్ ఐకాన్ 2 వైల్డ్ ఫైర్ మీకు ఓవరాల్ ఎంటర్ టైన్ మెంట్ ఇస్తుంది. డ్యాన్స్, ఎంటర్ టైన్ మెంట్..ఇలా మీకు కావాల్సిన ప్రతి ఎలిమెంట్ మా షోలో ఉంటుంది. "డ్యాన్స్ ఐకాన్ 2 - వైల్డ్ ఫైర్"లో ఐదుగురు కంటెస్టెంట్స్ మిమ్మల్ని సర్ ప్రైజ్ చేస్తారు. పంచభూతాల్లాంటి వారి పర్ ఫార్మెన్స్ మిమ్మల్ని మెస్మరైజ్ చేస్తుంది. ముఖ్యంగా ఇద్దరు పిల్లల పర్ ఫార్మెన్స్ టాక్ ఆఫ్ ది టౌన్ అవుతుంది. ముగ్గురు హోస్ట్ లతో పాటు మరో నలుగురు మెంటార్స్ ఉంటారు. సింగర్ జాను లైరి, ప్రకృతి, మానస్, దీపిక ఈ నలుగురు మెంటార్స్ ఉంటారు. "డ్యాన్స్ ఐకాన్ 2 - వైల్డ్ ఫైర్" లో ఫస్ట్ రౌండ్ విజేతలను మెంటార్స్ నిర్ణయిస్తే, సెకండ్ రౌండ్ లో ఎవరు విజేతలు అనేది ప్రేక్షకులు తమ ఓటింగ్ ద్వారా డిసైడ్ చేస్తారు. "డ్యాన్స్ ఐకాన్ 2 - వైల్డ్ ఫైర్" చేసే అవకాశం ఇచ్చిన ఆహాకు థ్యాంక్స్. "డ్యాన్స్ ఐకాన్ 2 - వైల్డ్ ఫైర్" హోల్ సమ్ ఎంటర్ టైన్ మెంట్ ఇచ్చే కంప్లీట్ డ్యాన్స్ షో . అన్నారు.
ఫరియా అబ్దుల్లా మాట్లాడుతూ(Faria abdullah) "డ్యాన్స్ ఐకాన్ సీజన్ 1 టైమ్ లో కూడా నన్ను హోస్ట్ గా అడిగారు. అప్పుడు కొన్ని ప్రాజెక్ట్స్ వల్ల సీజన్ 1 చేయలేకపోయాను. ఇప్పుడు "డ్యాన్స్ ఐకాన్ 2 - వైల్డ్ ఫైర్"లో హోస్ట్ గా చేస్తుండటం సంతోషంగా ఉంది. ఓంకార్, శేఖర్ మాస్టర్ తో కలిసి హోస్ట్ చేస్తుండటం ఆనందంగా ఉంది. ప్రతి ఎపిసోడ్ అదిరిపోయే ట్విస్టులతో ఆకట్టుకుంటుంది. ఆ కంటెస్టెంట్స్ పర్ ఫార్మెన్స్ చూసేందుకు వెయిట్ చేస్తున్నా. ఓంకార్ గారు చెప్పినట్లు ఐదుగురు కంటెస్టెంట్స్ తమ పర్ ఫార్మెన్స్ తో మెస్మరైజ్ చేస్తారు. నేను హీరోయిన్ గా సినిమాలు చేయడాన్ని ఎంతగా ఎంజాయ్ చేస్తానో అలాగే ఇలాంటి షోస్ చేయడాన్ని కూడా ఎంజాయ్ చేస్తాను. అన్నారు.
శేఖర్ మాస్టర్ మాట్లాడుతూ (Sekhar MAster)"డ్యాన్స్ ఐకాన్ సీజన్ 1 ను పెద్ద సక్సెస్ చేశారు. ఇప్పుడు "డ్యాన్స్ ఐకాన్ 2 - వైల్డ్ ఫైర్" మీ ముందుకు వస్తోంది. మూవీస్ బిజీలో ఉండటం వల్ల నేను ఈ కార్యక్రమానికి రాలేకపోయాను. నేను జడ్జ్ గా చేస్తున్నా...మేము కూడా సర్ ప్రైజ్ చేసేలా డ్యాన్స్ పర్ ఫార్మెన్స్ లు ఉంటాయి. ఈ షోలో తీసుకున్న పంచభూతాల కాన్సెప్ట్ పేరుకు తగినట్లే ఐదుగురు కంటెస్టెంట్స్ పర్ ఫార్మెన్స్ అద్భుతంగా సెట్ అయ్యింది. ఆహాలో ఈ నెల 14 తేదీ రాత్రి 7 గంటల నుంచి అదిరిపోయే పర్ ఫార్మెన్స్ ల కోసం "డ్యాన్స్ ఐకాన్ 2 - వైల్డ్ ఫైర్" చూడండి. అన్నారు.