Pushpa 2 Reloaded: పుష్ప2 రీలోడెడ్‌ వెర్షన్‌.. అల్లు శిరీష్‌ రివ్యూ

ABN , Publish Date - Feb 03 , 2025 | 02:41 PM

పుష్ప2 నెట్‌ఫ్లిక్స్‌ ఓటీటీ వేదికగా స్ట్రీమింగ్‌ అవుతోంది. రీలోడెడ్‌ వెర్షన్‌కు మరో నాలుగు నిమిషాలు జత చేసిన మొత్తం 3.44 గంటల నిడివితో విడుదలైంది. తాజాగా బన్నీ సోదరుడు  శిరీశ్‌ ఈ సినిమాను వీక్షించారు.


ఐకాన్‌స్టార్‌ అల్లు అర్జున్‌ (Allu Arjun) హీరోగా సుకుమార్‌ దర్శకత్వం వహించిన ‘పుష్ప 2 ది రూల్‌’ (Pushpa 2) రష్మిక  కథానాయిక. మైత్రీ మూవీ మేకర్స్‌ సంస్థ నిర్మించిన ఈ చిత్రం డిసెంబర్‌లో 5న ప్రేక్షకుల ముందుకొచ్చి బాక్సాఫీస్‌ వద్ద  వసూళ్ల  వర్షం కురిపించింది. ప్రస్తుతం ఈ చిత్రం నెట్‌ఫ్లిక్స్‌ (Pushpa 2 in Netflix)ఓటీటీ వేదికగా స్ట్రీమింగ్‌ (OTT)అవుతోంది. రీలోడెడ్‌ వెర్షన్‌కు మరో నాలుగు నిమిషాలు జత చేసిన మొత్తం 3.44 గంటల నిడివితో విడుదలైంది. తాజాగా బన్నీ సోదరుడు  శిరీశ్‌ (Allu Sirish) ఈ సినిమాను వీక్షించారు. థియేట్రికల్‌ వెర్షన్‌లో మిస్‌ అయిన కొన్ని సన్నివేశాలు ఇందులో ఉన్నాయని, రీలోడెడ్‌ వెర్షన్‌ నచ్చిందని ఇన్‌స్టాగ్రామ్‌ స్టోరీస్‌లో పేర్కొన్నారు. (Pushpa 2 reloaded Version)

Allu sirish.jpg


క్లైమాక్స్‌ సీన్‌లో పుష్పరాజ్‌ (Pushpa Raj) అన్న కూతురు పెళ్లికి వెళ్లిన సందర్భంలో తన సోదరులను ఆలింగనం చేసుకున్న వీడియో షేర్‌ చేసి ‘పుష్ప 2’.. రీలోడెడ్‌ వెర్షన్‌ చూస్తుంటే హై ఫీల్‌ వస్తోంది. సినిమా పూర్తయ్యేసరికి కన్నీళ్లు వచ్చేశాయి. థియేట్రికల్‌ వెర్షన్‌లో మిస్‌ అయిన లింక్స్‌ అన్నీ ఈ రీలోడెడ్‌ వెర్షన్‌లో కవర్‌ చేశారు’’ అని రాసుకొచ్చారు. ‘పుష్ప పార్ట్‌ 1కు సీక్వెల్‌గా పుష్ప 2 ది రూల్‌’ సిద్థమైంది. డిసెంబర్ 5న విడుదలైన సినిమా 3 గంటల 20 నిమిషాల నిడివితో విడుదలైంది. సంక్రాంతి తర్వాత అదనంగా మరో 20 నిమిషాల సన్నివేశాలు జత చేసి ‘పుష్ప 2 రీ లోడెడ్‌ వెర్షన్‌’ ప్రేక్షకులకు అందుబాటులోకి తీసుకువచ్చారు. దీంతో సినిమా నిడివి దాదాపు 3 గంటల 40 నిమిషాలు అయింది. ఓటీటీలో విడుదల సందర్భంగా ఫ్యాన్స్‌ను సర్‌ప్రైజ్‌ చేస్తూ మరో నాలుగు నిమిషాల నిడివి పెంచారు,

Updated Date - Feb 03 , 2025 | 02:41 PM