Identity Review: టొవినో నటించిన ఐడెంటిటీ అలరించిందా..

సినిమా రివ్యూ: ఐడెంటిటీ (Identity Review)

విడుదల తేది: 24–01–2025

నటీనటులు: టొవినో థామస్‌, త్రిష, వినయ్‌ రాయ్‌, అజు వర్గేష్‌, మందిరా బేడి

అర్చన కవి తదితరులు

సాంకేతిక నిపుణులు:

సినిమాటోగ్రఫీ: అఖిల్‌ జార్జ్‌

సంగీతం: జేక్స్‌ బిజాయ్‌

నిర్మాతలు: రాజు మల్లాయిత్‌ – రాయ్‌ సి.జె

దర్శకత్వం: అఖిల్‌ పాల్‌ – అనాస్‌ ఖాన్‌

2018’ చిత్రంతో పాపులర్‌ అయ్యాడు మలయాళ నటుడు టొవినో థామస్‌. గత ఏడాది ఎఆర్‌ఎమ్‌’ చిత్రంతో హిట్‌ అందుకున్నారు. 2024లో సక్సెస్‌ రేట్‌ ఎక్కువున్న మలయాళ చిత్ర పరిశ్రమలో ఈ ఏడాదికి ‘ఐడెంటిటీ’ చిత్రంతో బోణీ కొట్టాడు. జనవరి 3య మలయాళంలో విడుదలైన ఈ చిత్రం వసూళ్ల వర్షం కురిపించింది. తెలుగులో రెండు వారాలు ఆలస్యంగా వచ్చిన ఈ ఇన్వెస్టిగేటివ్‌ థ్రిల్లర్‌ ప్రేక్షకుల్లో ఏ మాత్రం ఐడెంటిటీ తెచ్చుకుందో చూద్దాం.

కథ:

హరన్‌ శంకర్‌ (టోవినో థామస్‌-Tovino Thomas) ) చిన్నప్పుడే తల్లిని కోల్పోయి, తండ్రి అతి క్రమశిక్షణ కారణంగా కాస్త విచిత్రంగా పెరుగుతాడు. తనకున్న స్ర్టిక్ట్‌ పర్సనాలిటీ వల్ల ఎన్‌.ఎస్‌.జి కమాండో ఉద్యోగం సంపాదించి, ఆ తర్వాత స్కై మార్షల్‌ అవుతాడు. అయితే.. బెంగళూరులో జరిగిన ఓ యాక్సిడెంట్‌ కేస్‌ విషయంలో కేరళ వస్తాడు అలెన్‌ జాకోబ్‌ (వినయ్‌ రాయ్‌). ఆ కేసులో కీలకమైన సాక్షిగా ఉన్న అలీషా (త్రిష-Trisha))కు జరిగిన యాక్సిడెంట్‌ కారణంగా ముఖాన్ని గుర్తుపట్టడంలో ఇబ్బందిపడుతుంటుంది. ఈ కేసులో అలీషాకు హెల్ప్‌ చేయడానికి సిద్థమవుతాడు హరన్‌. ఆ క్రమంలో కొన్ని ఊహించని విషయాలు బయటపడతాయి. అసలు అలెన్‌ జాకోబ్‌ ఎవరు? హరన్‌తో అతనికి ఉన్న సంబంధం ఏంటి? ఈ కథలో అలీషా పోషించిన పాత్ర ఏమిటి? వంటి ఆసక్తికరమైన విషయాలకు సమాధానమే ‘ఐడెంటిటీ’ సినిమా.

విశ్లేషణ: (Identity Review)

ఇన్వెస్టిగేటివ్‌ యాక్షన్‌ థ్రిల్లర్‌గా రూపొందిన చిత్రమిది. లైంగిక వేధింపులు.. ప్రతీకారం.. సైకలాజికల్‌ ఎలిమెంట్స్‌.. ఇలాంటి ఆసక్తికర అంశాలతో ముడిపడి ఉన్న కథగా దర్శక ద్వయం అఖిల్‌ పౌల్‌ – అనాస్‌ ఖాన్‌లు చిన్న పాయింట్‌తో కథను అల్లుకున్న తీరు బావుంది. అయితే ఎగ్జిక్యూట్‌ చేయడంలో మిస్‌ ఫైర్‌ అయింది. హరన్‌ ఫ్లాష్‌బ్యాక్‌ ఎపిసోడ్‌తో ఆసక్తికరంగా మొదలవుతుంది అతని బాల్యం.. తండ్రి చేతిలో ఎదుర్కొన్న హింసలు.. దాని వల్ల అబ్సెసివ్‌ కంపల్సివ్‌ పర్సనాలిటి డిజార్డర్‌కు గురవ్వడం.. ఆ పాత్రపై ఆసక్తిపెంచేలా చేస్తాయి. అమర్‌ ఫెలెక్స్‌ హత్యకు గురవ్వడం.. ఆ కేసు విషయమై సీఐ అలెన్‌ ఇన్వెస్టిగేషన్‌ ప్రారంభించడంతో అసలు కథ మొదలవుతుంది. అలీషా పరిచయ సన్నివేశాలు, నేపథ్యం.. తనకు ఆ హత్య కేసుకు ఉన్న లింక్‌ ఫర్వాలేదనిపిస్తాయి. ఫస్టాఫ్‌ అయ్యేసరికి ఇదేంటి మొన్నే కదా తెలుగులో ఇలాంటి ఓ సినిమా చేశాం అనిపిస్తుంది. కానీ దర్శకుల స్టైలిష్‌ టేకింగ్‌ తప్పకుండా అలరిస్తుంది. హీరో క్యారెక్టర్‌ ఎలివేషన్‌ కోసం అనవసరంగా యాడ్‌ చేసిన కమాండో – స్కై మార్షన్‌ ఎపిసోడ్‌ మాత్రం అప్పటివరకు క్రియేట్‌ అయిన ఇంపాక్ట్‌ చెడగొట్టింది. త్రిష పాత్రతో ఇంకాస్త డ్రామా క్రియేట్‌ చేసే అవకాశం ఉన్నప్పటికీ.. ఆమెను, ఆమెతోపాటు కథను పక్కనపెట్టి.. హీరోయిజం, ఎలివేషన్స్‌కి ఇంపార్టెన్స్‌ ఇచ్చారు. మంచి కథను అనవసరమైన ఎలివేషన్స్‌ కోసం పాడు చేసిన భావన కలుగుతుంది. అవి లేకుండా తీసి ఉంటే కమర్షియాలిటీ మిస్‌ అయ్యేది కానీ.. కంటెంట్‌ పరంగా ఎలివేట్‌ అయ్యేది. ఆ కారణంగా క్రెడిబిలిటీ ఉన్న కాన్సెప్ట్‌ వేస్ట్‌ అయిపోయింది. దర్శకులుగా ఇద్దరూ కథను చెప్పడంలో సఫలం అయ్యారు కానీ రచయితగా ఆకట్టుకోలేకపోయారు.

నటీనటుల పనితీరు.. హరన్‌గా టోవినో థామస్‌ క్యారెక్టర్‌లో ఒదిగిపోయాడు. ఓసీడీ ఉన్న పాత్రలా అనిపించినప్పటికీ.. చిన్నపాటి వ్యత్యాసాన్ని చూపించి నటుడిగా తన సత్తా చాటుకున్నాడు. యాక్షన్‌ బ్లాక్స్‌లో టోవినో మ్యానరిజమ్స్‌ మాస్‌ ఆడియన్స్‌ను విపరీతంగా అలరిస్తాయి. వినయ్‌ రాయ్‌ మరోసారి ఆశ్చర్యపరిచాడు. అతడు విలన్‌గా రీఎంట్రీ ఇచ్చిన తర్వాత ‘డాక్టర్‌’ అనంతరం అతనికి దక్కిన మంచి పాత్ర ఇది. క్యారెక్టర్‌ ఆర్క్‌లో క్లారిటీ లోపించింది కానీ.. నటుడిగా మాత్రం మంచి నటన కనబర్చాడు. ఇందులో త్రిషకు నిడివ తక్కువే. ఫస్ట్టాఫ్‌లో క్యారెక్టర్‌ గ్రాఫ్‌ బాగుంది అనుకునేలోపు సెకండాఫ్‌ కేవలం రెండు సీన్లకు పరిమితం చేేసశారు. మిగతా నటీనటులందరూ పాత్రల పరిధి మేరకు యాక్ట్‌ చేశారు. టెక్నికల్‌ విషయానికొస్తే.. అఖిల్‌ జార్జ్‌ సినిమాటోగ్రఫీ వర్క్‌ అద్భుతం అని చెప్పాలి. యాక్షన్‌ సన్నివేశాలను చాలా క్రిస్ప్‌ షాట్స్‌తో షార్ప్‌గా పిక్చరైజ్‌ చేశారు. అలాగే ఫ్యాక్టరీ బ్లాస్ట్‌ సీక్వెన్స్‌ లో మంటల రిఫ్లెక్షన్‌ భలే అనిపించింది. జేక్స్‌ బిజోయ్‌ బ్యాగ్రౌండ్‌ స్కోర్‌ సినిమాకు మేజర్‌ ఎసెట్‌గా నిలిచింది. బ్యాగ్రౌండ్స్‌ స్కోర్‌తో ఎక్కడ సీన్‌కి హై ఇవ్వాలో, ఎక్కడ ఎలివేట్‌ అవ్వాలో అక్కడ ఇచ్చి అలరించాడు. సౌండ్‌ డిజైన్‌ విషయంలో తీసుకున్న జాగ్రత్తలు ఆడియన్స్‌ మంచి సినిమాటిక్‌ ఎక్స్‌ పీరియన్స్‌ ఇస్తుంది. క్లైమాక్స్‌లో వచ్చే ఫ్లైట్‌ లో ఫైట్‌ సీన్‌ మాత్రం టెక్నికల్‌గా డల్‌ అయిపోయింది. ఆ సీక్వెన్స్‌ గ్రాఫిక్స్‌, టెక్నికల్‌ విషయంలో కాంప్రమైజ్‌ అయినట్లు అనిపించింది. అయితే సినిమాను పార్ట్‌ పార్టులుగా చూస్తే.. అర్థంభాగం అలరించింది. మిగతా సగం తేలిపోయింది. (Identity Review)

ట్యాగ్‌లైన్‌: అర్థభాగం అదిరింది.. మిగతాది సోసో...