ఇండో కొరియన్‌ హారర్‌ కామెడీ
ABN , Publish Date - Mar 25 , 2025 | 02:18 AM
వరుణ్‌ తేజ్‌ హీరోగా మేర్లపాక గాంధీ దర్శకత్వంలో తెరకెక్కుతోన్న చిత్రం ‘వీటీ15(వర్కింగ్‌ టైటిల్‌)’. యూవీ క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్‌ సంస్థలు నిర్మిస్తున్నాయి...
వరుణ్‌ తేజ్‌ హీరోగా మేర్లపాక గాంధీ దర్శకత్వంలో తెరకెక్కుతోన్న చిత్రం ‘వీటీ15(వర్కింగ్‌ టైటిల్‌)’. యూవీ క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్‌ సంస్థలు నిర్మిస్తున్నాయి. హైదరాబాద్‌లో సోమవారం నిర్వహించిన పూజా కార్యక్రమాలతో ఈ చిత్రం ఘనంగా ప్రారంభమైంది. ఈ కార్యక్రమంలో వరుణ్‌ తేజ్‌తోపాటు కథానాయిక రితిక నాయక్‌ పాల్గొన్నారు. ఇండో-కొరియన్‌ హారర్‌- కామెడీగా రూపొందుతున్న ఈ చిత్రం రెగ్యులర్‌ షూటింగ్‌ కూడా నేటి నుంచే ప్రారంభిస్తున్నామని చిత్రబృందం తెలిపింది. కాగా, వరుణ్‌ తేజ్‌ చివరి సినిమా ‘మట్కా’ ఆశించిన విజయాన్ని అందుకోలేకపోయింది. ‘ఎఫ్‌-3’ తర్వాత సరైన హిట్‌ కోసం ఎదురుచూస్తున్న వరుణ్‌ తేజ్‌ ఈ సినిమాపై భారీ ఆశలు పెట్టుకున్నారు. మేర్లపాక గాంధీ ‘వెంకటాద్రి ఎక్స్‌ప్రెస్‌’, ‘ఎక్స్‌ప్రెస్‌ రాజా’, ‘ఏక్‌ మినీ కథ’ లాంటి హిట్‌ సినిమాలతో టాలీవుడ్‌లో మంచి గుర్తింపు సంపాదించుకున్న విషయం తెలిసిందే. దాంతో ‘వరుణ్‌ తేజ్‌- మేర్లపాక’ కాంబినేషన్‌పై భారీ అంచనాలు నెలకొన్నాయి.