Tuk Tuk: మ్యాజికల్‌ ఎంటర్టైనర్ 'టుక్‌ టుక్‌'
ABN , Publish Date - Mar 04 , 2025 | 07:02 PM
వైవిధ్యమైన కాన్సెప్ట్‌తో, ఫ్రెష్ కంటెంట్‌తో రాబోతున్న చిత్రం 'టుక్‌ టుక్‌' (tuktuk). హర్ష రోషన్(harsha roshan), కార్తికేయ దేవ్, స్టీవెన్ మధు,సాన్వీ మేఘన(Shanvi meghana), నిహాల్ కోధాటి ముఖ్యతారలుగా రూపొందుతున్న ఈ చిత్రానికి సి.సుప్రీత్ కృష్ణ దర్శకుడు.
వైవిధ్యమైన కాన్సెప్ట్‌తో, ఫ్రెష్ కంటెంట్‌తో రాబోతున్న చిత్రం 'టుక్‌ టుక్‌' (tuktuk). హర్ష రోషన్(harsha roshan), కార్తికేయ దేవ్, స్టీవెన్ మధు,సాన్వీ మేఘన(Shanvi meghana), నిహాల్ కోధాటి ముఖ్యతారలుగా రూపొందుతున్న ఈ చిత్రానికి సి.సుప్రీత్ కృష్ణ దర్శకుడు. చిత్రవాహిని, ఆర్ వై జి సినిమాస్‌ పతాకంపై రాహుల్ రెడ్డి, లోక్కు శ్రీ వరుణ్, శ్రీరాముల రెడ్డి, సుప్రీత్ సి కృష్ణ నిర్మిస్తున్నారు. చిత్రీకరణ పూర్తి చేసుకున్న ఈ చిత్రం ప్రస్తుతం నిర్మాణానంతర పనుల్లో ఉంది. మార్చి 21న ప్రపంచవ్యాప్తంగా విడుదల చేస్తున్నారు మేకర్స్‌. మంగళవారం ఈ చిత్రం టీజర్‌ను విడుదల చేసింది చిత్రబృందం.
ఈ సందర్భంగా శాన్వీ మేఘన మాట్లాడుతూ '' పుష్పక విమానం తరువాత నేను చేసిన ఆటో ఎంటర్టైనర్ టుక్‌ టుక్‌. టీజర్‌ అందరికి నచ్చిందని అనుకుంటున్నాను. ఈ సినిమాలో సూపర్‌ నేచురల్‌, మ్యాజికల్‌ పవర్‌ ఎలిమెంట్స్‌ ఉన్నాయి. ఈ సినిమాలో ఉన్న చాలా సర్‌ఫ్రైజెస్‌ ఎంజాయ్‌ చేయడానికి అందరూ ఈ సినిమాను థియేటర్‌లో చూడాలి'' అన్నారు.
రోషన్ మాట్లాడుతూ 'ముగ్గురు యువకుల ప్రయాణం. వాళ్ల జీవితంలో వచ్చిన మ్యాజికల్‌ ఎలిమెంట్స్‌ను ఎలా ఫేస్‌ చేశాడో ఈ సినిమా చూసి తెలుసుకోవాలి. తప్పకుండా ఈ సినిమా అందరి హృదయాలకు హత్తుకుంటుందనే నమ్మకం ఉంది' అన్నారు.
దర్శకుడు సుప్రీత్ కృష్ణ (Supreeth krishna)మాట్లాడుతూ '' థియేటర్‌లో ఎక్స్‌పీరియన్స్‌ చేయాల్సిన సినిమా ఇది. ఇదొక డిఫరెంట్‌ కాన్సెప్ట్‌. ఫస్ట్‌ హాఫ్‌ ముగ్గురు యువకుల ఎంటర్‌టైన్‌ ఉంటే సెకండాఫ్‌లో బ్యూటిఫుల్‌ లవ్‌స్టోరీ ఉంటుంది. సాధారణంగా పెద్ద సినిమాల్లో ఫాంటసీ అంశాలు ఉంటాయి. ఈ సినిమాలో ఫాంటసీ, లవ్‌, ఎంటర్‌టైన్‌మెంట్‌ ఉన్నాయి. మార్చి 21న అందరూ థియేటర్‌లో ఎంటర్‌టైన్‌ అవ్వొచ్చు. టైమ్‌కు, మనీకి వాల్యూ ఇచ్చే సినిమా ఇది'. త్వరలో ఈ సినిమా గురించి ఓ బిగ్గెస్ట్‌ సర్‌ఫ్రైజ్‌ రాబోతుంది. అది చూసి అందరూ షాక్‌ అవుతారు. ఈ సినిమాను అందరూ ఆదరిస్తారని కోరుకుంటున్నాను. అన్నారు.