Thiruveer: వరుస ప్రాజెక్టులతో యంగ్ హీరో బిజీ బిజీ..
ABN , Publish Date - Feb 05 , 2025 | 11:51 PM
‘మసూద’ సినిమాతో బ్లాక్‌బస్టర్ అందుకున్న యంగ్ హీరో తిరువీర్. ఆ సినిమా కంటే ముందే ‘జార్జ్ రెడ్డి, పలాస 1978’ వంటి చిత్రాలలో తనదైన నటనతో ప్రేక్షకుల హృదయాల్లో మంచి స్థానాన్ని సంపాదించుకున్నాడీ హీరో. ఇప్పుడు వరుస చిత్రాలతో దూసుకెళుతున్నారు. ఆయన కోసమే దర్శకులు పాత్రలను రాస్తుండటంతో చాలా హ్యాపీగా ఉందని అంటున్నారు తిరువీర్.
‘జార్జ్ రెడ్డి, పలాస 1978’ వంటి చిత్రాలలో తన దైన నటనతో ప్రేక్షకులను మెప్పించి నటుడిగా మంచి గుర్తింపును పొందారు తిరువీర్. ఆ తర్వాత ఆయన చేసిన ‘మసూద’, ‘పరేషాన్’ వంటి చిత్రాలలో ప్రధాన పాత్రలో ప్రేక్షకులను మరింతగా మెప్పించారు. ఇక తిరువీర్ కెరీర్‌లో ‘మసూద’ బిగ్గెస్ట్ బ్లాక్ బస్టర్‌గా నిలిచింది. ప్రస్తుతం ఈ యంగ్ హీరో పలు ప్రాజెక్టులతో బిజీగా ఉన్నారు. ఆయన నుండి ‘ది గ్రేట్ ప్రీ-వెడ్డింగ్ షో’ అనే చిత్రం రాబోతోంది. ఈ సినిమాలో తిరువీర్ ఫోటోగ్రాఫర్ పాత్రలో కనిపించనున్నారు. రాహుల్ శ్రీనివాస్ దర్శకత్వం వహిస్తున్న ఈ చిత్రం అవుట్ అండ్ అవుట్ కామెడీ ఎంటర్‌టైనర్‌గా ఉండబోతోంది.
Also Read- Tollywood Producer: పవన్ కళ్యాణ్, మహేష్‌లతో చేసిన చిత్రాలతో రూ. 100 కోట్లు నష్టపోయా..
ఈ చిత్రం గురించి తిరువీర్ మాట్లాడుతూ.. “వెడ్డింగ్ ఫోటోగ్రాఫర్ పాత్రను పోషించడం చాలా ఇంట్రెస్టింగ్‌గా ఉంది. మొబైల్‌తో చాలాసార్లు ఫోటోలు తీశాను.. కానీ ఇలా ప్రొఫెషనల్ ఫోటోగ్రాఫర్‌గా నటించడం, ఫొటోలు తీయడం చాలా కొత్తగా, ఛాలెంజింగ్‌గా అనిపిస్తోంది. స్టిల్స్ ఎలా పెట్టించాలి, కెమెరాను ఎలా పట్టుకోవాలి.. ఇలా చాలా విషయాల్ని నేర్చుకున్నాను. అందరినీ ఎంటర్‌టైన్ చేసేలా ఈ సినిమా ఉంటుంది’’ అని తెలిపారు.
రీసెంట్‌గా ‘ది గ్రేట్ ప్రీ-వెడ్డింగ్ షో’ మూవీ షూటింగ్ అరకులో జరిగింది. అక్కడి చలి తీవ్రతను తట్టుకుని మరి టీం అంతా ఎంతో కష్టపడి సినిమాను షూట్ చేశారు. ఈ సినిమాతో పాటుగా తిరువీర్ ‘భగవంతుడు’ అనే మరో ప్రాజెక్ట్‌ని కూడా చేస్తున్నారు. ఈ ‘భగవంతుడు’ పోస్టర్ ఇటీవల విడుదలై ఎలా వైరల్ అయిందో తెలిసిందే. ప్రస్తుతం ఈ రెండు చిత్రాలకు సంబంధించిన షూటింగ్‌తో తిరువీర్ బిజీగా బిజీగా ఉన్నారు.
Also Read- Samantha: మాజీ భర్త మళ్లీ పెళ్లిపై సమంత షాకింగ్ కామెంట్స్..
తిరువీర్ తన కొత్త సినిమాల గురించి మాట్లాడుతూ.. ‘మసూద’ తర్వాత చాలా సెలెక్టివ్‌గా సినిమాలను, కథలను ఎంచుకుంటున్నాను. నాకు సరిపోయే కథలను మాత్రమే సెలెక్ట్ చేసుకుంటున్నాను తప్పితే.. ‘మసూద’తో వచ్చిన క్రేజ్‌ని క్యాష్ చేసుకోవాలని ఏది పడితే అది ఓకే చేయడం లేదు. నేను స్టేజ్ ఆర్టిస్ట్‌ని కావడంతో ఆయా పాత్రలకు న్యాయం చేయగలుగుతున్నాను. దర్శకనిర్మాతలు నా కోసం పాత్రలు, కథలు రాస్తుండటం ఎంతో ఆనందంగా ఉంది. ఒక నటుడికి ఇదే గొప్ప విజయమని అన్నారు.
