ఆ నమ్మకం ఉంది

రచిత మహాలక్ష్మి, సాత్విక్‌, సాహిత్య ప్రధాన పాత్రలు పోషించిన ‘తల్లి మనసు’ చిత్రం ఇప్పుడు ఓటీటీలో స్ట్రీమింగ్‌కు సిద్ధమైంది. వి.శ్రీనివాస్‌ దర్శకత్వం వహించిన ఈ చిత్రం ఈ నెల 14 నుంచి అమెజాన్‌ ప్రైమ్‌లో స్ట్రీమింగ్‌ కానుందని నిర్మాత ముత్యాల అనంతకిశోర్‌ చెప్పారు. ఈ చిత్ర సమర్పకుడు, సీనియర్‌ దర్శకుడు ముత్యాల సుబ్బయ్య మాట్లాడుతూ ‘చాలా కాలం తర్వాత ఓ మంచి చిత్రాన్ని చూశామని ప్రేక్షకులు చెప్పడం మాకు ఆనందం కలిగించింది. ఇప్పుడు ఓటీటీ వేదిక ద్వారా మిగిలిన ప్రేక్షకులకు దగ్గరైతే మేం ఏం ఆశించామో ఆ లక్ష్యం నెరవేరుతుందనే నమ్మకం ఉంది’ అన్నారు.