Sree Vishnu New Movie: సింగిల్‌గా వస్తున్నాడు
ABN , Publish Date - Apr 26 , 2025 | 03:02 AM
శ్రీవిష్ణు నటించిన ‘సింగిల్‌’ చిత్రం మే 9న విడుదలవుతోంది అని మేకర్స్‌ అధికారికంగా ప్రకటించారు.అల్లు అరవింద్‌ జైలర్‌ హుకుం స్టయిల్‌లో విడుదల తేదీని ప్రకటించిన వీడియో ప్రస్తుతం వైరల్‌ అవుతోంది.
శ్రీవిష్ణు హీరోగా, కేతిక శర్మ, ఇవానా కథానాయికలుగా కార్తిక్‌ రాజు దర్శకత్వంలో రూపొందిన చిత్రం ‘సింగిల్‌’. నిర్మాత అల్లు అరవింద్‌ సమర్పణలో విద్యా కొప్పినీడి, భాను ప్రతాప్‌, రియాజ్‌ చౌదరి నిర్మించారు. తాజాగా మేకర్స్‌ ఈ సినిమా మే 9న ప్రేక్షకుల ముందుకు వస్తున్నట్లు అనౌన్స్‌మెంట్‌ వీడియో రిలీజ్‌ చేశారు. వీడియోలో హీరో విష్ణు మే 9న విడుదలైన సూపర్‌ హిట్‌ మూవీస్‌ గురించి చెబుతుండగా చివర్లో నిర్మాత అల్లు అరవింద్‌ ప్రవేశించారు. జైలర్‌ హుకుం స్టయిల్‌లో మే 9న రిలీజ్‌ డేట్‌ని అల్లు అరవింద్‌ లాక్‌ చేయడం ఆసక్తిగా అనిపించింది. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది.