కడుపుబ్బా నవ్వించే చిత్రం

సప్తగిరి కథానాయకుడిగా నటించిన చిత్రం ‘పెళ్లికాని ప్రసాద్‌’. అభిలా్‌షరెడ్డి గోపిడి దర్శకత్వంలో కె.వై.బాబు, భానుప్రకాష్‌ గౌడ్‌, సుక్కా వెంకటేశ్వర్‌ గౌడ్‌, వైభవ్‌రెడ్డి ముత్యాల నిర్మించారు. దిల్‌రాజు నిర్మాణ సంస్థ శ్రీవెంకటేశ్వర క్రియేషన్స్‌ సినిమాను విడుదల చేస్తోంది. ఈ శుక్రవారం సినిమా విడుదలవుతున్న సందర్భంగా మీడియాతో ముచ్చటించారు సప్తగిరి. ‘‘దర్శకుడు అభిలాష్‌ ఈ కథ చెప్పేటప్పుడే సినిమా విజయంపై పూర్తి నమ్మకం వచ్చేసింది. అందరినీ కడుపుబ్బా నవ్వించే చిత్రమిది. ఎక్కడా బోర్‌ కొట్టదు. దర్శకుడు అభిలాష్‌ రాసిన సంభాషణలు, వినోదాత్మక సన్నివేశాలు, శేఖర్‌ చంద్ర అందించిన సంగీతం ఈ సినిమాకు ప్రధానాకర్షణ. సినిమా అన్ని వర్గాల ప్రేక్షకులను ఆకట్టుకుంటుంది’’ అని చెప్పారు.