అందమైన ప్రేమకథ

సుహాస్‌ కథానాయకుడిగా రామ్‌ గోదాల దర్శకత్వంలో తెరకెక్కుతోన్న రొమాంటిక్‌ కామెడీ ‘ఓ భామ అయ్యోరామ’. ‘జో’ ఫేమ్‌ మాళవిక మనోజ్‌ హీరోయిన్‌గా హరీష్‌ నల్ల నిర్మిస్తున్నారు. రానా దగ్గుబాటి నిర్మాణ సంస్థ స్పిరిట్‌ మీడియా చిత్రాన్ని విడుదల చేయనుంది. తాజాగా, ఈ సినిమా టీజర్‌ను రిలీజ్‌ చేశారు మేకర్స్‌. ఈ సందర్భంగా హీరో సుహాస్‌ మాట్లాడుతూ ‘‘ప్రతీ సన్నివేశం కొత్తగా ఉండే అందమైన ప్రేమకథ ఈ చిత్రం. సినిమా అందరికీ నచ్చుతుంది’’ అని చెప్పారు. ‘‘సుహాస్‌, మాళవిక కెమిస్ట్రీ, పాటలు, విజువల్స్‌ సినిమాకు ప్రధానాకర్షణ’’ అని దర్శకుడు రామ్‌ గోదాల చెప్పారు. ‘‘ఈ సినిమా మీ అందరి హృదయాలను దోచుకుంటుంది’’ అని నిర్మాత హరీష్‌ నల్ల తెలిపారు.