దీక్ష, పట్టుదలతో..

కిరణ్‌, అలేఖ్యరెడ్డి జంటగా రూపొందుతోన్న చిత్రం ‘దీక్ష’. ప్రతాని రామకృష్ణ గౌడ్‌ దర్శకత్వం వహించడంతో పాటు పి.అశోక్‌ కుమార్‌తో కలిసి నిర్మిస్తున్నారు. ప్రేమ, వినోదం నేపథ్యంలో రూపుదిద్దుకుంటున్న ఈ చిత్రం షూటింగ్‌ మంగళవారం హైదరాబాద్‌లో పూర్తి చేసుకుంది. ఈ సందర్భంగా దర్శకనిర్మాత ప్రతాని రామకృష్ణగౌడ్‌ మాట్లాడుతూ ‘ఒక వ్యక్తి దీక్ష, పట్టుదలతో పనిచేస్తే ఏదైనా సాధించవచ్చు అనే పాయింట్‌ను ఇతివృత్తంగా తీసుకొని ఈ చిత్రాన్ని తెరకెక్కిస్తున్నాము. హీరో కిరణ్‌ భీముని పాత్రలో అద్భుతంగా నటించాడు. ఆర్‌ఆర్‌ ఈ చిత్రానికి హైలెట్‌గా నిలుస్తుంది. పాటలు అద్భుతంగా వచ్చాయి’ అని అన్నారు. ఆక్సఖాన్‌, తులసి, అనూష, కీర్తన తదితరులు ఈ చిత్రంలో కీలక పాత్రల్లో నటించారు.