Game Changer: ‘గేమ్ చేంజర్’ సెన్సార్ పూర్తి.. సర్టిఫికేట్ ఏం వచ్చిందో తెలుసా..
ABN , Publish Date - Jan 01 , 2025 | 06:10 PM
గ్లోబ‌ల్ స్టార్ రామ్ చరణ్, సెన్సేషనల్ డైరెక్టర్ శంకర్ కాంబినేషన్‌లో తెరకెక్కిన భారీ చిత్రం ‘గేమ్ చేంజర్’. సంక్రాంతి స్పెషల్‌గా విడుదలకు సిద్ధమైన ఈ చిత్రం ప్రస్తుతం సెన్సార్ కార్యక్రమాలు పూర్తి చేసుకుని విడుదలకు సిద్ధమైంది. సెన్సార్ వాళ్లు ఈ సినిమాకు ఏం సర్టిఫికేట్ జారీ చేశారంటే..
గ్లోబ‌ల్ స్టార్ రామ్ చరణ్ హీరోగా స్టార్ డైరెక్టర్ శంకర్ ద‌ర్శ‌క‌త్వంలో రూపొందిన భారీ బ‌డ్జెట్ చిత్రం ‘గేమ్ చేంజర్’. ఈ చిత్రంలో రామ్ చరణ్ సరసన బాలీవుడ్ బ్యూటీ కియారా అద్వాణీ హీరోయిన్‌గా నటించారు. శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ అన్‌కాంప్ర‌మైజ్డ్‌గా నిర్మించారు. తెలుగు, త‌మిళ, హిందీ భాష‌ల్లో ఈ మూవీ జ‌న‌వ‌రి 10న ప్ర‌పంచ వ్యాప్తంగా రిలీజ్‌కు రెడీ అవుతోంది. తాజాగా ఈ సినిమా సెన్సార్ కార్య‌క్ర‌మాల‌ను పూర్తి చేసుకున్నట్లుగా మేకర్స్ తెలియజేశారు.
సెన్సార్ నుండి ఈ సినిమా ‘యు/ఎ’ స‌ర్టిఫికేట్‌ను సొంతం చేసుకున్నట్లుగా మేకర్స్ ప్రకటించారు. గ్లోబ‌ల్ రేంజ్ ఇమేజ్ ఉన్న రామ్ చ‌ర‌ణ్‌తో లార్జ‌ర్ దేన్ లైఫ్ సినిమాల‌ను రూపొందించే శంకర్ కల‌యిక‌లో రాబోతున్న ఎలా ఉండ‌బోతుంద‌నే విష‌యం అంద‌రిలోనూ ఎగ్జ‌యిట్‌మెంట్‌ను పెంచుతోంది. మెగాభిమానులు, సినీ ప్రేక్ష‌కులు సినిమాను ఎప్పుడెప్పుడు థియేట‌ర్స్‌లో చూద్దామా అని ఎంతగానో వేచి చూస్తున్నారు. ఇప్ప‌టికే విడుద‌లైన ఈ మూవీ టీజ‌ర్‌, నాలుగు సాంగ్స్‌, వాటి మేకింగ్ వావ్ అనిపిస్తూ.. సినిమాపై ఉన్న అంచ‌నాలు ఆకాశమే అవధి అన్నట్లుగా పెంచేశాయి. సినిమా సెన్సార్ పూర్తి కావ‌టం.. సినిమాకు వ‌స్తోన్న పాజిటివ్ ఫీడ్ బ్యాక్‌తో ‘గేమ్ చేంజర్’ చిత్ర యూనిట్ మ‌రింత ఉత్సాహంగా ఈ సినిమాను సంక్రాంతి బ‌రిలోకి దింపుతోంది.
Also Read-కాశీ యాత్రలో రేణు దేశాయ్, అకీరా, ఆద్య.. సింప్లిసిటీకి కేరాఫ్ అడ్రస్
గేమ్ చేంజ‌ర్‌ను ఎస్‌వీసీ, ఆదిత్య‌రామ్ మూవీస్ సంస్థ‌లు త‌మిళంలో ప్రొడ్యూస్‌ చేస్తుండగా.. హిందీలో ఏఏ ఫిలిమ్స్ అనిల్ తడాని రిలీజ్‌ చేస్తున్నారు. ఈ చిత్రానికి సరిగమ ఆడియో పార్టనర్స్‌గా వ్యవహరిస్తున్నారు. గ్లోబ‌ల్ స్టార్ రామ్ చరణ్.. గేమ్ చేంజర్ చిత్రంలో రెండు ప‌వ‌ర్‌ఫుల్ పాత్ర‌ల్లో మెప్పించ‌నున్నారు. ఈ సినిమాకు కార్తీక్ సుబ్బరాజ్ కథను అందించగా.. ఎస్‌.యు.వెంక‌టేశ‌న్‌, వివేక్ రైట‌ర్స్‌గా వ‌ర్క్ చేశారు. ఎస్‌.తిరుణ్ణావుక్క‌ర‌సు సినిమాటోగ్ర‌ఫీ, ఎస్‌.ఎస్‌.త‌మ‌న్ సంగీతం అందిస్తుండ‌గా సాయి మాధ‌వ్ బుర్రా డైలాగ్స్ రాశారు. యాక్ష‌న్ కొరియోగ్రాఫ‌ర్స్‌గా అన్బ‌రివు, డాన్స్ డైరెక్ట‌ర్‌గా ప్ర‌భుదేవా, గ‌ణేష్ ఆచార్య, ప్రేమ్ రక్షిత్‌, బాస్కో మార్టిస్, జానీ, శాండీ వ‌ర్క్ చేస్తున్నారు. రామ్ జోగ‌య్య శాస్త్రి, అనంత్ శ్రీరామ్‌, కాసర్ల శ్యామ్ పాట‌ల‌ను రాశారు.