Dil Raju: ‘మార్కో’ ఫేమ్ హనీఫ్ అదేని తో దిల్ రాజు పాన్ ఇండియన్ మల్టీస్టారర్
ABN , Publish Date - Mar 20 , 2025 | 05:26 PM
'మార్కో' దేశంలోనే ఇంత వరకూ వచ్చిన వయొలెంట్ మూవీస్ లో నంబర్ వన్ గా నిలిచింది. ఇప్పుడు ఆ చిత్ర దర్శకుడితో దిల్ రాజు సినిమా చేయబోతున్నాడు.
అగ్ర నిర్మాత, తెలంగాణ ఎఫ్.డి.సి. ఛైర్మన్ దిల్ రాజు (Dil Raju) కి ఉన్న బ్రాండ్ ఇమేజ్ అందరికీ తెలిసిందే. దిల్ రాజు ప్రొడక్షన్స్ నుంచి ఓ సినిమా వస్తుందంటే క్వాలిటీ విషయంలో, కంటెంట్ విషయంలో అందరిలోనూ భారీ స్థాయిలో అంచనాలుంటాయి. అలాంటి దిల్ రాజు బ్యానర్ నుంచి ఓ క్రేజీ పాన్ ఇండియన్ మూవీ రాబోతోంది. ఈ చిత్రానికి హర్షిత్ రెడ్డి, హన్షిత రెడ్డి నిర్మాతలుగా వ్యవహరించబోతున్నారు. సూపర్ డూపర్ హిట్ అయిన ‘మార్కో’ (Marco) మూవీతో దర్శకుడు హనీఫ్ అదేని (Haneef Adeni) జాతీయ స్థాయిలో గుర్తింపు తెచ్చుకున్నాడు. ఆ క్రేజీ డైరెక్టర్‌తో దిల్ రాజు ప్రొడక్షన్స్ ఓ సినిమాను చేయబోతోంది. శిరీష్ ఈ మూవీకి సమర్పకుడిగా వ్యవహరిస్తారు. హై బడ్జెట్‌తో పాన్ ఇండియా మల్టీస్టారర్‌గా ఇది తెరకెక్కబోతోంది.
'మార్కో'తో హనీఫ్ తనలోని మాస్, వయలెన్స్, యాక్షన్ యాంగిల్‌ను చూపించారు. ఇక ఇప్పుడు ఈయన తెలుగులోకి ఎంట్రీ ఇవ్వబోతోన్నారు. ఇక ఈ ప్రకటనతో తెలుగు ప్రేక్షకుల్లో అంచనాలు ఒక్కసారిగా పెరిగిపోయాయి. గురు ఫిల్మ్స్‌కు చెందిన సునీతా తాటి ఈ ప్రాజెక్ట్‌లో భాగస్వామి అయ్యారు. ఈ చిత్రం గురించి మరిన్ని వివరాలు త్వరలోనే తెలియజేయనున్నారు.
Also Read: Erra Cheera: 'ఎర్రచీర' కట్టుకున్నదెవరి కోసం...
మరిన్ని సినిమా వార్తల కోసం ఇక్కడ క్లిక్ చేయండి