Daaku Maharaaj: ‘డాకు మహారాజ్’ అస్సలు నిరాశ పరచదు.. బాలయ్య కెరీర్‌లో గుర్తుండిపోయే సినిమా!
ABN , Publish Date - Jan 07 , 2025 | 07:59 PM
‘డాకు మహారాజ్’ చిత్రం రాబోయే రోజుల్లో పలు సినిమాలకు స్ఫూర్తిగా నిలుస్తుందని బలంగా నమ్ముతున్నానని అన్నారు దర్శకుడు బాబీ కొల్లి. ఈ సినిమా చూశాను.. నాకు పూర్తి నమ్మకం ఉందని అన్నారు నిర్మాత సూర్యదేవర నాగవంశీ. హీరోయిన్లు కూడా ఈ సినిమా గురించి చెప్పారు. వారంతా డాకు మహారాజ్ గురించి ఇంకా ఏం చెప్పారంటే..
గాడ్ ఆఫ్ మాసెస్ నందమూరి బాలకృష్ణ, ఈ సంక్రాంతికి మరో వైవిధ్యభరితమైన చిత్రం ‘డాకు మహారాజ్’తో అలరించడానికి సిద్ధమవుతున్నారు. ఈ చిత్రానికి బ్లాక్ బస్టర్ దర్శకుడు బాబీ కొల్లి దర్శకత్వం వహిస్తున్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్‌, ఫార్చ్యూన్‌ఫోర్ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మిస్తున్నారు. ఈ చిత్రం సంక్రాంతి కానుకగా 2025, జనవరి 12న ప్రపంచవ్యాప్తంగా భారీస్థాయిలో విడుదలకు సిద్ధమవుతోంది. ఈ చిత్రంపై ప్రేక్షకుల్లో భారీ అంచనాలున్నాయి. ఇటీవల విడుదలైన ట్రైలర్ మంచి స్పందనను రాబట్టుకుని సినిమాపై అంచనాలను రెట్టింపు చేసింది. చిత్ర విడుదల తేదీ దగ్గర పడటంతో ప్రచార కార్యక్రమాలలో మరింత జోరు పెంచిన చిత్ర బృందం. చిత్ర విశేషాలను తెలిపేందుకు మంగళవారం చిత్రయూనిట్ మీడియా సమావేశం నిర్వహించింది.
ఈ కార్యక్రమంలో నిర్మాత సూర్యదేవర నాగవంశీ మాట్లాడుతూ.. ట్రైలర్‌కు చాలా మంచి స్పందన వచ్చింది. జనవరి 9న అనంతపురంలో భారీ ప్రీ ఈలీజ్ ఈవెంట్‌ని నిర్వహించేందుకు ప్లాన్ చేశాం. తెలుగునాట ఈ సినిమాను కావాల్సినన్ని థియేటర్లలో భారీగా విడుదల చేస్తున్నాం. యూఎస్‌లో కూడా భారీ స్థాయిలోనే విడుదల ఉంటుంది. అక్కడ బుకింగ్స్ బాగున్నాయి. తెలుగుతో పాటు తమిళ్‌లోనూ ఈ సినిమా జనవరి 12న విడుదలవుతోంది. ‘డాకు మహారాజ్’తో ఈ సంక్రాంతికి ఘన విజయం సాధిస్తామనే నమ్మకం మాలో ఉంది. సినిమాలో యాక్షన్ సన్నివేశాలు అదిరిపోతాయి. ఈ సినిమా నేను చూశాను.. అందుకే నమ్మకంగా చెబుతున్నాను. ‘డాకు మహారాజ్’ చిత్రం అసలు నిరాశ పరచదు. బాలకృష్ణగారి కెరీర్‌లో గుర్తుండిపోయే సినిమాల్లో ఒకటిగా ఈ సినిమా నిలుస్తుందని అన్నారు.
Also Read- Ajith Kumar: రేసింగ్ సర్క్యూట్‌లో అజిత్ కారుకు ఘోర ప్రమాదం.. నుజ్జునుజ్జయిన కారు
హీరోయిన్ శ్రద్ధా శ్రీనాథ్ మాట్లాడుతూ.. ట్రైలర్ మీ అందరికీ నచ్చిందని అనుకుంటున్నాను. సినిమా చాలా భిన్నంగా ఉంటుంది. ఈ చిత్రంపై నాకు చాలా నమ్మకం ఉంది. నా సినీ ప్రయాణంలో ఈ చిత్రం ప్రత్యేకంగా నిలుస్తుందని నమ్మకంగా చెప్పగలను. జనవరి 12 కోసం ఎంతగానో ఎదురుచూస్తున్నాను. ఈ చిత్రం మీ అందరికీ ఖచ్చితంగా నచ్చుతుంది. నాకీ సినిమా అవకాశం ఇచ్చిన దర్శకనిర్మాతలకు ధన్యవాదాలని అన్నారు. మరో హీరోయిన్ ప్రగ్యా జైస్వాల్ మాట్లాడుతూ.. ట్రైలర్‌కు ఇంతటి అద్భుతమైన రెస్పాన్స్ ఇచ్చిన ప్రేక్షకులకు కృతఙ్ఞతలు. మీరు మా సినిమాపై చూపిస్తున్న ప్రేమకు ధన్యవాదాలు. సంక్రాంతి కానుకగా జనవరి 12న థియేటర్లలో విడుదలవుతున్న ఈ సినిమాని మీకు ఎప్పుడెప్పుడు చూపిస్తామా అని ఎంతగానో ఎదురుచూస్తున్నాం. జనవరి 12న నా పుట్టినరోజు. ఈ చిత్ర విజయాన్ని నా పుట్టినరోజు కానుకగా అందిస్తారని కోరుకుంటున్నాను. ఈ చిత్రంలో గుర్తుండిపోయే మంచి పాత్రను పోషించానని తెలిపారు.
దర్శకుడు బాబీ కొల్లి మాట్లాడుతూ.. సినిమా అనుకున్నప్పటి నుంచి బాలకృష్ణ గారిని కొత్తగా చూపించాలనే ఉద్దేశంతో, ప్రతి విషయంలో వైవిధ్యం చూపిస్తూ ఎంతో జాగ్రత్తగా ఈ సినిమాని రూపొందించాం. ప్రచార చిత్రాలకు బాలయ్య గారి అభిమానులు, ప్రేక్షకుల నుంచి మంచి స్పందన లభించింది. దాంతో సినిమా విజయం పట్ల మాకు మరింత నమ్మకం పెరిగింది. అలాగే ‘డాకు మహారాజ్’ చిత్రం రాబోయే రోజుల్లో పలు సినిమాలకు స్ఫూర్తిగా నిలుస్తుందని బలంగా నమ్ముతున్నాను. నందమూరి అభిమానులకు ఒక మెమరబుల్ ఫిల్మ్ ఇవ్వాలనేది నాగవంశీ డ్రీమ్. అందుకు తగ్గట్టుగానే సరికొత్తగా ఉండేలా, ఒక మంచి సినిమాని తీశాము. ఇందులో ఐదు యాక్షన్ సీక్వెన్స్ లు ఉంటాయి. ప్రతి సీక్వెన్స్ అభిమానులకు ఎంతో హై ఇస్తుంది. యాక్షన్ తో పాటు మంచి వినోదం, హత్తుకునే భావోద్వేగాలతో కుటుంబ ప్రేక్షకులు మెచ్చేలా డాకు మహారాజ్ ఉంటుందని తెలిపారు.