Naari Movie: ప్రేక్షకులకు వన్ ప్లస్ వన్ ఆఫర్
ABN , Publish Date - Mar 04 , 2025 | 07:19 PM
ఆమని కీలక పాత్ర పోషించిన చిత్రం ' నారి' మహిళా దినోత్సవం సందర్భంగా ఈ నెల 7న గ్రాండ్ గా విడుదల కానుంది. సింగర్ సునీత పాడిన 'హవాయి హవాయి హవాయి' సాంగ్ని తాజాగా విడుదల చేసారు.
ఆమని(Aamani) కీలక పాత్ర పోషించిన చిత్రం ' నారి' (Naari)మహిళా దినోత్సవం సందర్భంగా ఈ నెల 7న గ్రాండ్ గా విడుదల కానుంది. సింగర్ సునీత పాడిన 'హవాయి హవాయి హవాయి' సాంగ్ని తాజాగా విడుదల చేసారు. ఈ పాటకు గీత రచయిత భాస్కరభట్ల బ్యూటిఫుల్ లిరిక్స్ అందించారు. ఇటీవల రమణ గోగుల పాడిన 'గుండెలోన ఏదో గట్టి సప్పుడైనదే' పాట యూత్ ఆడియెన్స్ కు బాగా నచ్చింది. మిలియన్స్ వ్యూస్ సాధిస్తూ సూపర్ హిట్ అయ్యింది. ఈ క్రమంలోనే సింగర్ సునీత పాడిన హవాయి హవాయి హవాయి పాట కూడా ఆకట్టుకుంటోంది . యూత్ కి బాగా నచ్చే విధంగా ఈ సాంగ్ ఉండటం విశేషం. అయితే ఈ సినిమా టీం ప్రేక్షకులకు ఓ ఆఫర్ ఇచ్చారు. (womens days Release)
ఈ నెల 7, 8 తేదీల్లో నారి సినిమా చూసే కపుల్స్ కోసం టికెట్స్ పై వన్ ఫ్లస్ వన్ ఆఫర్ (one plus one offer) ప్రకటించారు. 7వ తేదీన , 8వ తేదీన అన్ని షోస్ కు ఈ ఆఫర్ వర్తించనుంది.అందరూ తమ టికెట్స్ సమీపంలోని థియేటర్, బుక్ మై షో ద్వారా బుకింగ్ చేసుకోవచ్చు అని మేకర్స్ తెలిపారు. ఆమని, వికాస్ వశిష్ఠ, మౌనిక రెడ్డి, ప్రగతి, సునయన, కేదార్ శంకర్, ప్రమోదినీ, తదితరులు కీలక పాత్రల్లో నటించిన సినిమా "నారి". మహిళల్ని గౌరవించాలి, ఆడిపిల్లలు అన్ని రంగాల్లో ఎదిగేందుకు సహకరించాలి, ఇప్పుడున్న సామాజిక పరిస్థితుల్లో 13-20 ఏళ్ల పిల్లలు ప్రమాదంలో ఉన్నారనే విషయాన్నిచెబుతూ దర్శకుడు సూర్య వంటిపల్లి ఈ చిత్రాన్ని రూపొందించారు. ప్రొడ్యూసర్ శ్రీమతి శశి వంటిపల్లి నిర్మించారు.