War -2: 'వార్ -2' స్పెషల్ సాంగ్.. హీరోయిన్ ఎవరంటే
ABN , Publish Date - Feb 10 , 2025 | 09:46 AM
'వార్ 2'లో హృతిక్‌ రోషన్‌(Hrithik Roshan) , ఎన్టీఆర్‌ (Tarak) ప్రధాన పాత్రలు పోషిస్తున్నారు. మాస్‌ యాక్షన్‌ డ్రామాగా రాబోతుందీ సినిమా. ఇందులో తారక్‌ రా ఏజెంట్‌గా కనిపించనున్నారని.. హృతిక్‌, ఎన్టీఆర్‌ మధ్య యాక్షన్‌ సీన్స్‌ అదిరిపోనున్నాయని టాక్‌.
'దేవర' (Devara)చిత్రం తర్వాత యంగ్‌ టైగర్‌ ఎన్టీఆర్‌ (Jr Ntr) హిందీలో 'వార్ 2’ (War-2)చిత్రంతో బిజీగా అయ్యారు. కొన్ని నెలలుగా ఈ మూవీ షూటింగ్‌ కోసం డేట్స్‌ ఇచ్చారు తారక్‌. అయాన్‌ ముఖర్జీ తెరకెక్కిస్తోన్న ఈ సినిమాలో హృతిక్‌ రోషన్‌(Hrithik Roshan) , ఎన్టీఆర్‌ (Tarak) ప్రధాన పాత్రలు పోషిస్తున్నారు. మాస్‌ యాక్షన్‌ డ్రామాగా రాబోతుందీ సినిమా. ఇందులో తారక్‌ రా ఏజెంట్‌గా కనిపించనున్నారని.. హృతిక్‌, ఎన్టీఆర్‌ మధ్య యాక్షన్‌ సీన్స్‌ అదిరిపోనున్నాయని టాక్‌. ఇద్దరి కాంబోలో ఓ సాంగ్ సైతం ఉంటుందని బీటౌప్‌లో టాక్‌ వినిపిస్తోంది తాజా సమాచారం ప్రకారం ఈ సినిమాలో బాలీవుడ్ బ్యూటీ శ్రద్థా కపూర్‌ (Shraddha Kapoor) స్పెషల్ సాంగ్ చేయనుందని తెలిసింది.
స్పై యాక్షన్‌ థ్రిల్లర్‌ డ్రామాగా వస్తున్న ఈ సినిమాలో కియారా అద్వానీ కథానాయికగా నటిస్తుండగా.. ఇప్పుడు శ్రద్థా కపూర్‌ స్పెషల్ సాంగ్ చేయనుందని.. హృతిక్‌, ఎన్టీఆర్‌, శ్రద్థా కాంబోలో ఈ సాంగ్ ఉండనుందని టాక్‌. ఎన్నో హిందీలో చిత్రాల్లో నటించిన శ్రద్ధా సూపర్‌ డాన్సర్‌ కూడా. ఇక తారక్‌ స్పీడ్‌కి ఆమె స్పీడ్‌ కలిస్తే సిల్వర్‌ స్ర్కీన్‌ దద్దరిల్లిపోవాల్సిందే. గత ఏడాది 'స్త్రీ 2' సినిమాతో భారీ విజయాన్ని అందుకున్న ఈ అమ్మడు ఇప్పుడు స్పెషల్ సాంగ్ చేేసందుకు రెడీ కావడంతో ఫ్యాన్స్‌ ఆశ్చర్యపోతున్నారు.