Priyanka Chopra: ప్రియాంక ఆస్తులు అమ్మకం.. ఎన్ని కోట్లు అంటే
ABN , Publish Date - Mar 07 , 2025 | 05:31 PM
తాజా సమాచారం ప్రకారం ప్రియాంక చోప్రా ముంబయిలో అత్యంత విలాసవంతమైన (Mumbai Luxury Properties) కొన్ని ఫ్లాట్‌లు విక్రయించినట్లు ఇండెక్స్‌ ట్యాప్‌ తెలిపింది. ఆస్తుల్ని అమ్మడానికి కారణమేంటి
బాలీవుడ్‌లో కెరీర్‌ ప్రారంభించి గ్లోబల్‌ స్టార్‌ (Global Star Priyanka chopra) అయ్యారు ప్రియాంకా చోప్రా. ప్రస్తుతం హాలీవుడ్‌ చిత్రాలు, వెబ్‌సిరీస్‌లతో బిజీగా ఉంటోన్న ఆమె తెలుగులో రాజమౌళి మహేశ్‌బాబు కాంబినేషన్‌లో వస్తున్న 'ఎస్‌ఎస్‌ఎంబీ29' (SSMB29) చిత్రంలో నటిస్తోంది. ఇందులో భాగంగా ఆమె కొద్ది రోజులుగా ఇండియాలోనే ఉంటున్నారు. తాజా సమాచారం ప్రకారం ఆమె ముంబయిలో అత్యంత విలాసవంతమైన (Mumbai Luxury Properties) కొన్ని ఫ్లాట్‌లు విక్రయించినట్లు ఇండెక్స్‌ ట్యాప్‌ తెలిపింది. వెస్ట్‌ ముంబయి అంథేరిలో ఉన్న ఒబెరాయ్‌ స్కై గార్డెన్స్‌లోని ఫ్లాట్‌కు డిమాండ్‌ బాగా ఉంది. అంతేకాదు, అవి అత్యంత ఖరీదైనవి కూడా కావడం గమనార్హం. అక్కడ ప్రియాంకకు అత్యంత విలాసవంతమైన జోడీ యూనిట్‌ సహా నాలుగు ఫ్లాట్స్‌ ఉన్నాయి. ప్రస్తుతం వాటిని రూ.16.17 కోట్లకు విక్రయించారు. 18వ అంతస్తులో మూడు ఫ్ల్లాట్స్‌ (MumbaiRealEstate) ఉండగా, వాటిని రూ.3.45 కోట్లు, రూ.2.85 కోట్లు, రూ.3.52 కోట్లకు విక్రయించారు. ఇక 19వ అంతస్తులో ఉన్న జోడీ యూనిట్‌ ఒక్కదాన్నే రూ.6.35కోట్లకు అమ్మేశారని టాక్‌ నడుస్తోంది. మార్చి 3వ తేదీన ఇందుకు సంబంధించిన లావాదేవీలు పూర్తయ్యాయిన తెలుస్తోంది. (Priyanka Chopra sells her apartments)
ఆర్కిటెక్చరల్‌ డైజెస్ట్‌ ఇండియా కథనం ప్రకారం 2021లో వెర్సోవాలోని రెండు ఆస్తులను, 2023లో లోఖండ్‌వాలాలోని రెండు పెంట్‌ హౌస్‌లను కూడా ప్రియాంక ఇప్పటికే విక్రయించారు. ప్రస్తుతం ఆమెకు గోవా, న్యూయార్క్‌, లాస్‌ఏంజెలెస్‌లో సొంత భవనాలు ఉన్నాయి. భర్త నిక్‌జోనస్‌, కుమార్తె మేరీ చోప్రా జోన్స్‌ కలిసి లాస్‌ ఏంజెలెస్‌లో (CelebrityHomes) ఉంటున్నారు. ఇక సినిమాల విషయానికొస్తే, హాలీవుడ్‌లో ‘హెడ్స్‌ ఆఫ్‌ స్టేట్’, ‘ది బ్లఫ్‌’ చిత్రాల్లో నటిస్తున్నారు. ‘సిటడెల్‌’ అమెరికన్‌ సిరీస్‌లోనూ కీలక పాత్ర పోషిస్తున్నారు. తెలుగులో రాజమౌళి తీస్తున్న సినిమాలో నటిస్తోంది. ఈ సినిమా షూటింగ్‌ ఒడిశాలో జరుగుతోంది.