Sreeleela: ‘పుష్ప2’ కిస్సిక్ సాంగ్ ప్రోమో విడుదల వేళ శ్రీలీల ఏం చేస్తుందో చూశారా..
ABN , Publish Date - Nov 23 , 2024 | 06:24 PM
ఒకప్పుడు క్షణం తీరికలేని విధంగా సినిమాలు చేస్తూ ఫేమస్ అయిన శ్రీలీల.. ఈ మధ్య కాస్త డల్ గానే ఉంటోంది. అందుకు కారణం ఏమిటనేది ప్రత్యేకంగా చెప్పాల్సిన అవసరం లేదు. అందుకే ఇప్పుడు స్పెషల్ సాంగ్స్‌కి కూడా ఓకే చెప్పేస్తోంది. ‘పుష్ప 2’లో ఆమె నటించిన ‘కిస్సిక్’ సాంగ్ ప్రోమో విడుదల వేళ.. శ్రీలీల ఏం చేసిందంటే..
ప్రపంచమంతా ఎదురు చూస్తున్న ‘పుష్ప 2’ (Pushpa 2) సినిమా డిసెంబర్ 5న గ్రాండ్‌గా విడుదలయ్యేందుకు ముస్తాబవుతోంది. పుష్పరాజ్ గాడి వైల్డ్ ఫైర్ ఎలా ఉంటుందో చూసేందుకు అంతా ఈగర్‌గా వెయిట్ చేస్తున్నారు. ఆ విషయం అడ్వాన్స్ బుకింగ్స్ తెలియజేస్తున్నాయి కూడా. క్రియేటివ్ దర్శకుడు సుకుమార్‌ దర్శకత్వంలో సుకుమార్‌ రైటింగ్స్‌ అసోసియేషన్‌తో మైత్రీ మూవీ మేకర్స్ పతాకంపై నవీన్‌ ఎర్నేని, యలమంచిలి రవిశంకర్‌ నిర్మించిన ఈ చిత్ర ప్రమోషన్స్ ప్రస్తుతం యమా జోరుగా జరుగుతున్నాయి.
Also Read-Kushboo: నాకేమైనా ఛాన్స్ ఉందా.. అంటూ ఆ హీరో అసభ్యకరంగా మాట్లాడాడు
మొన్నీ మధ్య పట్నాలో నిర్వహించిన ఈవెంట్‌కు ఇసుక వేస్తే రాలనంత జనం రాగా, ఇప్పుడు చెన్నైలో మరో భారీ ఈవెంట్‌‌ను మేకర్స్ ప్లాన్ చేస్తున్నారు. ఈ లోపు జస్ట్ టీజర్ అన్నట్లుగా ‘పుష్ప2’ ఐటమ్ సాంగ్‌ని మేకర్స్ పరిచయం చేశారు. ‘కిస్సిక్’ అంటూ సాగిన ఈ పాటలో డ్యాన్సింగ్ క్వీన్ శ్రీలీల.. ఐకాన్ స్టార్‌తో చిందులేసిన విషయం తెలిసిందే. ఈ పాటను ఈ నెల 24న చెన్నైలో జరిగే ఈవెంట్‌లో విడుదల చేయబోతున్నారు. ఈలోపు సాంగ్ ప్రోమోని శనివారం వదిలారు. అయితే ఈ ప్రోమో విడుదల వేళ శ్రీలీల ఏం చేసిందో తెలిస్తే అంతా షాక్ అవుతారు.
ఇంతకీ శ్రీలీల (Sreeleela) ఏం చేసిందని అనుకుంటున్నారా.. తన తల్లి స్వర్ణలతతో కలిసి వారణాసిలో మెరిసిందీ భామ. తను స్పెషల్ సాంగ్ చేసిన ‘పుష్ప2’ సినిమా, అలాగే తను నర్తించిన కిస్సిక్ సాంగ్, ఇంకా తను నటిస్తున్న ఇతర సినిమాలన్నీ సక్సెస్‌ఫుల్ చిత్రాలుగా నిలవాలని శ్రీలీల వారణాసిలో స్పెషల్ పూజలు నిర్వహించినట్లుగా తెలుస్తోంది. పూజల అనంతరం ఆమె పవిత్ర గంగా ఘాట్‌ను దర్శించుకున్నారు. ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి. ఒకప్పుడు చేతినిండా సినిమాలతో బిజీ నటిగా పేరున్న శ్రీలీల.. ఈ మధ్య ఆ స్థాయిలో అవకాశాలను దక్కించుకోలేక పోతోంది. మధ్యలో వరుస ప్లాప్స్ సైతం ఆమెని పలకరించాయి.
దీంతో ‘పుష్ప2’ సినిమా ఆమె కెరీర్‌కు కూడా ఎంతో కీలకమైనది. ఇందులో చేసింది స్పెషల్ సాంగే అయినా.. ఈ సాంగ్‌తో తన రేంజ్ కూడా మారిపోతుందని ఆమె భావిస్తోంది. అంతకు ముందు వచ్చిన ‘పుష్ప పార్ట్ 1’ లో సమంత చేసిన పాట ప్రపంచవ్యాప్తంగా ఎటువంటి గుర్తింపును సొంతం చేసుకుందో తెలిసిందే. సేమ్ టు సేమ్ ఇప్పుడు శ్రీలీల కూడా ‘కిస్సిక్’ పాటతో అదే రేంజ్‌కు చేరుకుంటుందని ఆమె అభిమానులు సైతం భావిస్తుండటం విశేషం.