Mahesh Babu: మహేష్ బాబుకి తేజ సజ్జా, రానా ఎందుకు సారీ చెప్పాలి

2024 సంక్రాంతికి విడుదలైన ‘హనుమాన్’ చిత్రం భారీ విజయాన్ని అందుకుంది. డైరెక్టర్ ప్రశాంత్ వర్మ తెరకెక్కించిన ఈ సినిమాతో పాటు సూపర్ స్టార్ మహేష్ బాబు నటించిన ‘గుంటూరు కారం’ సినిమా కూడా విడుదలైంది. అటు తేజా సజ్జా ‘హనుమాన్’, ఇటు మహేష్ బాబు ‘గుంటూరు కారం’ చిత్రాలు పోటాపోటీగా బరిలోకి దిగాయి. కానీ ఇందులో ‘హనుమాన్’ సినిమాకు సరిగా థియేటర్లు లభించకపోయినప్పటికీ భారీ వసూళ్లను రాబట్టి సంచలన విజయాన్ని నమోదు చేసింది. అయితే ఆ సమయంలో థియేటర్ల కేటాయింపుపై పెద్ద చర్చే జరిగింది. ఆ చర్చ చాలా రోజుల వరకు కొనసాగుతూనే ఉంది.

Also Read-Janhvi Kapoor: హైదరాబాద్‌లోని ఆంజనేయస్వామి గుడిలో జాన్వీ కపూర్ ప్రత్యేక పూజలు

ఇక ఇప్పుడు హీరో తేజా సజ్జా, హీరో రానా దగ్గుబాటిపై మహేష్ బాబు ఫ్యాన్స్ మండిపడుతున్నారు. అందుకు కారణం ఇటీవల వీరిద్దరూ ఐఫా వేడుకలలో చేసిన వ్యాఖ్యలే. కొన్ని రోజుల క్రితం జరిగిన ఐఫా వేడుకలలో తేజ సజ్జా, మహేష్ ఇద్దరిని పోలుస్తూ హీరో రానా చేసిన కామెంట్స్ ఇప్పుడు మహేష్ అభిమానుల కోపానికి కారణమైంది. సంక్రాంతికి విడుదలైన సినిమాల గురించి మాట్లాడుతూ సరదాగా మాట్లాడాడు రానా. కానీ తమ హీరోను తేజా సజ్జాతో పోల్చడం నచ్చలేదని అంటున్నారు మహేష్ ఫ్యాన్స్.

దుబాయ్ వేడుకగా జరిగిన ఐఫా వేడుకలో రానా మాట్లాడుతూ.. “ఇతడు ఇప్పటికీ అలాగే ఉన్నాడు. వివాదాలకు దూరంగా ఉన్నాడు. చాలా మృదుస్వభావి.. కోట్లాది మంది హృదయాలను కదిలించేవాడు. లవర్ బాయ్, యాక్షన్ స్టార్.. వన్ అండ్ ఓన్లీ..” అంటూ మాట్లాడుతుండగానే.. “ఇప్పుడు నా గురించి ఎందుకు బ్రో” అంటూ సిగ్గుపడిపోయాడు తేజా. దీంతో రానా “నేను నీ గురించి కాదు మహేష్ బాబు గురించి మాట్లాడుతున్నాను. అయినా తేజ, మహేష్ ఇద్దరూ చైల్డ్ ఆర్టిస్టులుగా వచ్చారు. ఇద్దరూ ఒకే ప్రయాణాన్ని ఎంచుకున్నారు. అయన ఒక సూపర్ స్టార్.. నువ్వు ఒక సూపర్ హిరో.. మీరిద్దరూ సంక్రాంతికి వచ్చారు” అని రానా మాట్లాడుతుండగా..

Also Read- కేతిక శర్మ: బరువెక్కిన అందాలు.. జారుతున్న హృదయాలు

‘సంక్రాంతి విషయం పక్కన పెట్టండి.. సెన్సిటివ్ టాపిక్’ అంటూ తేజ, రానా మాట్లాడిన వీడియో ఇప్పుడు వైరల్‌గా మారింది. ఈ వీడియో చూసిన మహేష్ బాబు ఫ్యాన్స్ మండిపడుతున్నారు. మీరు ఒక్క సినిమా హిట్టు కొట్టారు.. కానీ మహేష్ 25 ఏళ్లుగా సూపర్ హిట్స్ అందుకుంటున్నారు. అలాంటి హీరోపై వెకిలిగా కామెంట్స్ చేయడం కరెక్ట్ కాదని.. తేజ సజ్జా, రానా వెంటనే మహేష్ బాబుకు, ఫ్యాన్స్‌కు సారీ చెప్పాలంటూ ట్వీట్స్ చేస్తున్నారు. మరికొందరేమో.. ఇందులో వారేం తప్పు మాట్లాడలేదు. ముఖ్యంగా తేజ సజ్జా ఆ సెన్సిటివ్ టాపిక్ ఇప్పుడెందుకు అని అన్నాడు తప్పితే.. ఇంకేం మాట్లాడలేదు. ఇంకా చెప్పాలంటే ‘ఆదిపురుష్’, ‘మిస్టర్ బచ్చన్’, ‘పుష్ప 2’, ‘మా ప్రెసిడెంట్’ అంటూ వీరిద్దరూ చేసిన కామెడీపై హర్ట్ అవ్వాలి కానీ.. మహేష్ బాబుని అక్కడేం అనలేదు అంటూ కొందరు మహేష్ బాబు ఫ్యాన్స్‌కు హితబోధ చేస్తున్నారు.

Also Read-Pushpa 2: పుష్ప కోసం తమన్.. దేవి శ్రీ ప్రసాద్ సరిపోవట్లేదా

-మరిన్ని సినిమా వార్తల కోసం ఇక్కడ క్లిక్ చేయండి