Unstoppable With NBK: బాలయ్య పండుగకు సెలవు కావాలి.. ఇదేందయ్యా ఇది
ABN , Publish Date - Oct 25 , 2024 | 03:41 PM
పండుగలకు ప్రభుత్వాలు హాలీడేస్ ఇవ్వడం కామనే. ఇటీవలే దసరా సెలవులు ముగిశాయి. కానీ ఇప్పుడు మరో పండుగకు సెలవులు కావాలని హైదరాబాద్ ఉద్యోగులు ఫ్లకార్డులు ప్రదర్శిస్తున్నారు. ఇప్పుడిదే హైదరాబాద్‌లో హాట్ టాపిక్‌గా మారింది. ఇంతకీ ఆ పండుగ ఏంటి? ఎందుకు హాలీడే అడుగుతున్నారనే విషయం తెలుసుకుందామా..
పండుగలకు ప్రభుత్వాలు హాలీడేస్ ఇవ్వడం కామనే. ఇటీవలే దసరా సెలవులు ముగిశాయి. కానీ ఇప్పుడు మరో పండుగకు సెలవులు కావాలని హైదరాబాద్ ఉద్యోగులు ఫ్లకార్డులు ప్రదర్శిస్తున్నారు. అదీ కూడా అక్టోబర్ 25నే మాకు సెలవు కావాలంటూ సాఫ్ట్‌వేర్ కంపెనీల ముందు కొన్ని బోర్డులు దర్శనమిస్తున్నాయి. దీపావళి పండుగ అక్టోబర్ 31 కదా.. మరి అక్టోబర్ 25న ఏం పండుగ ఉంది? ఎందుకు ఉద్యోగులు అంతా సెలవు అడుగుతున్నారు? ఆ విషయం తెలియాలంటే.. పూర్తి కథనం చదవాల్సిందే.
Also Read- Suriya: దర్శకుడు రాజమౌళినే మాకు దారి చూపించారు.. బాలయ్య అన్స్టాపబుల్
ఆహా ఓటీటీలో నటసింహం బాలయ్య హోస్ట్‌గా చేస్తున్న ‘అన్స్టాపబుల్ విత్ ఎన్‌బికె’ షో ట్రెమండస్ రెస్పాన్స్‌ని సొంతం చేసుకుని.. ఇలాంటి షో లన్నింటినీ బీట్ చేసి టాప్ స్థానానికి చేరుకుంది. నటరత్న నందమూరి బాలకృష్ణ తనదైన హోస్టింగ్‌తో రికార్డులు బద్దలు కొట్టారు.. కొడుతున్నారు. అలాంటి షో ఇప్పుడు సీజన్ 4కి చేరుకుంది. ఇటీవల ఈ షో‌ను గ్రాండ్‌గా లాంచ్ చేస్తూ.. యానిమేషన్‌తో కూడిన ఓ ట్రైలర్‌ని వదిలారు. ఆ ట్రైలర్ కూడా అద్భుతమైన స్పందనను రాబట్టుకుంది. ఈ సీజన్ 4 మొదటి ఎపిసోడ్‌కు ఏపీ సీఎం నారా చంద్రబాబు నాయుడు గెస్ట్‌గా రాబోతున్నారనే విషయాన్ని కూడా ఆహా వారు ముందుగానే ప్రకటించేశారు. రీసెంట్‌గానే ఏపీ సీఎం‌పై ఈ షో ని చిత్రీకరించడం, ఆ తర్వాత ప్రోమోని విడుదల చేయడం కూడా జరిగింది. ఈ ప్రోమో వచ్చినప్పటి నుండి.. ఎప్పుడెప్పుడు ఈ షో టెలికాస్ట్ అవుతుందా? అని ఆహా వీక్షకులతో పాటు రెండు తెలుగు రాష్ట్రాలలోని ప్రజలే కాకుండా, ప్రపంచవ్యాప్తంగా ఉన్న తెలుగువారందరూ ఎంతగానో వెయిట్ చేస్తున్నారు. అలాంటి వారందరి కోసం అక్టోబర్ 25న ఈ షోని టెలికాస్ట్ చేయబోతున్నట్లుగా ఆహా టీమ్ అధికారికంగా ప్రకటించింది. ఇది అసలు కారణం. (Unstoppable With NBK Season 4)
బాలయ్య పండుగ పేరుతో ఈ సీజన్ జరుగుతుండగా.. మొదటి ఎపిసోడ్‌కు ఏపీ సీఎం హాజరవుతుండటం, ఆయన ఈ షో‌లో ఎన్నో ఎక్స్‌క్లూజివ్ విషయాలను షేర్ చేసుకోవడంతో.. ఈ షోని మిస్ కాకుండా టెలికాస్ట్ టైమింగ్‌కే (ప్రీమియర్) చూసేయాలని అంతా కంకణం కట్టుకున్నారు. మరీ ముఖ్యంగా సాఫ్ట్‌వేర్ అనగా గుర్తొచ్చే పేరు చంద్రబాబు. ఆ మధ్య చంద్రబాబుని జైలులో పెట్టినప్పుడు సాఫ్ట్‌వేర్ ఉద్యోగులందరూ హైదరాబాద్ రోడ్లపైకి వచ్చి ధర్నా చేసిన విషయం తెలిసిందే. అందుకే ఈ షోని చూసేందుకు ఇప్పుడు వారంతా లీవ్ కావాలని ఇలా ప్లకార్డులు పట్టుకుని సాఫ్ట్‌వేర్ ఆఫీసుల ముందు దర్శనమిస్తున్నారు. ఇదంతా చంద్రబాబుపై ఉన్న ప్రేమ, బాలయ్యపై ఉన్న అభిమానమే అని అంతా కామెంట్స్ చేస్తుండటం గమనార్హం.