SSMB29 Update: మహేశ్‌తో బాలీవుడ్ బ్యూటీ.. నిజమేనా..

ABN , Publish Date - Dec 28 , 2024 | 04:03 PM

మహేశ్‌ బాబు హీరోగా ఎస్‌.ఎస్‌.రాజమౌళి దర్శకత్వంలో ''ఎస్‌ఎస్‌ఎంబీ 29' రానున్న సంగతి తెలిసిందే. తాజాగా దీనికి సంబంధించిన కొన్ని అప్‌డేట్‌ల సోషల్‌ మీడియాలో వైరల్‌గా మారాయి.


మహేశ్‌ బాబు(SSMV29) హీరోగా ఎస్‌.ఎస్‌.రాజమౌళి (SS RAJAMOULI) దర్శకత్వంలో ''ఎస్‌ఎస్‌ఎంబీ 29' రానున్న సంగతి తెలిసిందే. తాజాగా దీనికి సంబంధించిన కొన్ని అప్‌డేట్‌ల సోషల్‌ మీడియాలో వైరల్‌గా మారాయి. ఇండోనేషియా నటి చెల్సియా ఎలిజబెత్‌ ఇస్లాన్‌ ఈ చిత్రంలో హీరోయిన్‌గా నటించనున్నట్లు గతంలో వార్తలు జోరుగా ప్రచారం అయ్యాయి. ఇప్పుడు మరో నటి పేరు తెరపైకి వచ్చింది. బాలీవుడ్‌ నటి ప్రియాంక చోప్రా (Priyanka chopa) పేరు ఇప్పుడు తెరపైకి వచ్చింది. ఈ సినిమాలో ఆమె నటించనున్నట్లు వార్తలు వస్తున్నాయి. ఆమెతో చర్చలు జరిపినట్లు టాక్‌ వినిపిస్తుంది.

MB.jpg

ఇందులో హీరోతోపాటు హీరోయిన్‌ ప్రాతకు ప్రాధాన్యం ఉంటుందని ప్రియాంక అయితే ఆ పాత్రకు న్యాయం చేయగలరని చిత్రబృందం భావిస్తున్నట్లు తెలుస్తోంది. అందుకే ఆమెను కథానాయికగా తీసుకునే ఆలోచనలో ఉన్నట్లు టాక్‌ నడుస్తోంది. ప్రియాంక కూడా ఈ సినిమాలో నటించేందుకు ఆసక్తిగా ఉన్నారట. ఈ పాత్ర కోసం ఆమె ప్రిపరేషన్‌ కూడా మొదలు పెట్టారని సోషల్‌ మీడియాలో పోస్ట్‌లు కనిపిస్తున్నాయి. ఈ సినిమా షూటింగ్‌కు సంబంధించిన అప్‌డేట్‌ కూడా సోషల్‌ మీడియాలో షేర్‌ అవుతోంది. ఏప్రిల్‌ నుంచి ఈ చిత్రం రెగ్యులర్‌ షూటింగ్‌ ప్రారంభం కానున్నట్లు తెలుస్తోంది. అయితే ఇలాంటి పోస్ట్‌లు చూసి విసిగిపోయిన అభిమానులు మాత్రం అధికారిక ప్రకటన ఎప్పుడు వస్తుందా అని ఎదురుచూస్తున్నారు.

MB.jpgఈ చిత్రంలో భారతీయ చిత్ర పరిశ్రమలో ఇప్పటిదాకా చూడని, ఎవరూ చూపించని సరికొత్త ప్రపంచాన్ని రాజమౌళి  ఆవిష్కరించబోతున్నారని రచయిత విజయేంద్రప్రసాద్‌ ఓ ఇంటర్వ్యూలో తెలిపారు. అమెజాన్‌ అడవుల నేపథ్యంలో సాగే ఈ కథలో పలువురు విదేశీ నటులు కనిపించనున్నారు. భారతీయ భాషలతో పాటు విదేశీ భాషల్లో దీనిని అనువదించనున్నారు. దుర్గా ఆర్ట్స్‌పై కె.ఎల్‌.నారాయణ ఈ చిత్రాన్ని నిర్మిస్తున్నారు.

 

Updated Date - Dec 28 , 2024 | 04:06 PM