Zebra: 'మేరీ తేరీ'.. కెమిస్ట్రీ వర్కవుట్‌ అయింది
ABN , Publish Date - Nov 04 , 2024 | 06:57 PM
సత్య దేవ్‌, కన్నడ స్టార్‌ డాలీ ధనంజయ కీలక పాత్రధారులుగా హైలీ యాంటిసిపేటెడ్‌ మల్టీ స్టారర్‌ సినిమా 'జీబ్రా'. సోమవారం ఈ చిత్రం ఫస్ట్‌ సింగిల్‌ 'మేరీ తేరీ’ సాంగ్‌ను రిలీజ్‌ చేశారు.
సత్య దేవ్‌ (Satya Dev), కన్నడ స్టార్‌ డాలీ ధనంజయ (Dolly Dhanunjay) కీలక పాత్రధారులుగా హైలీ యాంటిసిపేటెడ్‌ మల్టీ స్టారర్‌ సినిమా 'జీబ్రా'. ఈశ్వర్‌ కార్తీక్‌ దర్శకత్వం వహించిన ఈ చిత్రాన్ని పద్మజ ఫిలింస్‌ ప్రైవేట్‌ లిమిటెడ్‌, ఓల్డ్‌ టౌన్‌ పిక్చర్స్‌ బ్యానర్‌పై ఎస్‌ఎన్‌ రెడ్డి, ఎస్‌ పద్మజ, బాల సుందరం, దినేష్‌ సుందరం నిర్మిస్తున్నారు. ఇప్పటికే ఫస్ట్‌ లుక్‌ పోస్టర్స్‌, మోషన్‌ వీడియో, టీజర్స్‌ ఆకట్టుకున్నాయి. సోమవారం ఈ చిత్రం ఫస్ట్‌ సింగిల్‌ 'మేరీ తేరీ’ (Teri Meri Song) సాంగ్‌ను రిలీజ్‌ చేశారు.
సెన్సేషనల్‌ మ్యూజిక్‌ డైరెక్టర్‌ రవి బస్రూర్‌ ఈ పాటను మెస్మరైజింగ్‌ మెలోడీగా కంపోజ్‌ చేశారు. పూర్ణా చారి రాసిన లిరిక్స్‌ ఆకట్టుకున్నాయి. విజయలక్ష్మి, సంతోష్‌ వెంకీ తమ ప్లజెంట్‌ వోకల్స్‌తో లైవ్లీగా పాడారు. ఈ సాంగ్‌లో సత్య దేవ్‌, ప్రియా భవానీ శంకర్‌ కెమిస్ర్టీ బ్యూటీఫుల్‌గా ఉంది. 'లక్‌ ఫేవర్స్‌ ది బ్రేవ్‌’ అనే ట్యాగ్‌లైన్‌తో వస్తున్న ఈ సినిమాలో సత్యరాజ్‌, సత్య అక్కల, జెన్నిఫర్‌ పిషినాటో, సునీల్‌ కీలక పాత్రలు పోషిస్తున్నారు. సత్య పొన్మార్‌ సినిమాటోగ్రఫీ అందిస్తున్నారు. జీబ్రా మూవీ నవంబర్‌ 22న ఈ చిత్రం విడుదల కానుంది.