Vishwak Sen: కిరణ్ అబ్బవరానికి పెరుగుతున్న మద్దతు.. 'మాస్ కా దాస్' సపోర్ట్

యంగ్ టాలెంటెడ్ హీరో కిరణ్ అబ్బవరం (Kiran Abbavaram) నటిస్తున్న భారీ పీరియాడిక్ థ్రిల్లర్ సినిమా క (Ka Movie). ఈ నెల 31న దీపా‌వళి పండుగ సందర్భంగా రిలీజ్ అవుతోంది. తాజాగా ఈ సినిమా ప్రీ రిలీజ్ ఈవెంట్‌ని హైదరాబాద్‌లో నిర్వహించారు. ఈ సందర్భంగా కిరణ్ అబ్బవరం మాట్లాడుతూ ఎమోషనల్ అయ్యారు. తన సినిమాలపై పని కట్టుకొని కొన్ని సంస్థలు ట్రోల్ చేస్తున్నాయంటూ ఆవేశ పడ్డారు. ఈ క్రమంలోనే టాలీవుడ్ యంగ్ హీరోస్ నుండి కిరణ్ కి మద్దతు పెరుగుతుంది. తాజాగా 'మాస్ కా దాస్' విశ్వక్ సేన్ తన 'X' ద్వారా కిరణ్ కి మద్దతు తెలుపుతూ పోస్ట్ పెట్టారు. ఇంతకీ విశ్వక్ సేన్ ఏమన్నారంటే..

మంగళవారం రాత్రి కిరణ్ అబ్బవరం లేటెస్ట్ ఫిల్మ్ 'క' మూవీ ప్రీ రిలీజ్ ఈవెంట్ జరిగింది. ఈ వేడుకకి యంగ్ అండ్ టాలెంటెడ్ హీరో నాగ చైతన్యతో పాటు ప్రొడ్యూసర్ ఎస్కేఎన్ హాజరై తమ సపోర్ట్ తెలిపారు. కాగా ఈ ఈవెంట్‌లో కిరణ్ అబ్బవరం మాట్లాడుతూ.. తనపై వస్తున్న ట్రోల్స్, సినిమా జర్నీ‌పై ఎమోషనల్ అయ్యారు. ఈ క్రమంలోనే సినీ ప్రేమికులు కిరణ్ అబ్బవరానికి తమ మద్దతు తెలుపుతున్నారు. తాజాగా 'మాస్ కా దాస్' విశ్వక్ సేన్ తన X ద్వారా కిరణ్‌కి మద్దతు తెలుపుతూ పోస్ట్ పెట్టారు. ఆయన "ఎదిగే హక్కు ప్రతి ఒక్కరికి ఉంటుంది.. అల్ పవర్ టూ కిరణ్ అబ్బవరం. క సినిమా గ్రాండ్ రిలీజ్‌కి అభినందనలు" అంటూ తన మద్దతు ప్రకటించారు.

ఎలాంటి సినిమా బ్యాక్ గ్రౌండ్ లేకుండా మిడిల్ క్లాస్ బ్యాక్ గ్రౌండ్ నుండి వచ్చిన హీరో కిరణ్ అబ్బవరం. నటించిన మొదటి సినిమా 'రాజా వారు రాణి గారు'తో డీసెంట్ హిట్ సాధించి మంచి పేరు సంపాదించుకున్నారు. ఆ తర్వాత వరుసగా ఎనిమిది సినిమాలో తీసి అందరిని ఆశ్చర్యపరిచాడు. ఈ సినిమాలన్నీ బాక్సాఫీస్ దగ్గర బొక్క బోర్లాపడటంతో దారుణమైన ట్రోలింగ్‌ని ఫేస్ చేశాడు. ఆ ఎనిమిది సినిమాల్లో కొన్ని డీసెంట్ మూవీస్‌ని కూడా వదలలేదు కొందరు ట్రోలర్స్.