Manchu Vishnu: ఇంతకీ 'కన్నప్ప' ఏమైంది
ABN , Publish Date - Oct 30 , 2024 | 12:15 PM
విష్ణు చెప్పినట్లుగానే.. ప్రతి సోమవారం ఒక అప్డేట్ రిలీజ్ చేస్తూ.. ఆడియెన్స్‌లో మంచి బజ్ క్రియేట్ చేశారు. అయితే గత మూడు వారాల నుండి ఎలాంటి అప్డేట్ రాకపోవడంతో మంచు ఫ్యాన్స్ కంగారుపడుతున్నారు. మేకర్స్ చెప్పినట్లే ఈ సినిమాని డిసెంబర్ లో రిలీజ్ చేస్తారా అనే చర్చ తెరపైకి వచ్చింది.
విష్ణు మంచు (Vishnu Manchu) డ్రీమ్ ప్రాజెక్ట్‌ ‘కన్నప్ప’ (Kannappa Movie) అప్డేట్స్ సడెన్‌గా కనిపించడం లేదు. ఈ ఏడాది జూన్ 14న కన్నప్ప సినిమా టీజర్‌ని రిలీజ్ చేశారు. కాగా మంచి రెస్పాన్స్ లభించింది. అయితే ఈ ఈవెంట్ లో మంచు విష్ణు మాట్లాడుతూ.. సినిమా రిలీజ్ అయ్యేవరకు ప్రతి సోమవారం ఒక అప్డేట్ అందిస్తామన్నారు. విష్ణు చెప్పినట్లుగానే.. ప్రతి సోమవారం ఒక అప్డేట్ రిలీజ్ చేస్తూ.. ఆడియెన్స్‌లో మంచి బజ్ క్రియేట్ చేశారు. అయితే గత మూడు నెలల నుండి అప్డేట్స్ ఇస్తూ వచ్చిన టీమ్.. మూడు వారాల నుండి ఎలాంటి అప్డేట్ ఇవ్వకపోవడంతో మంచు ఫ్యాన్స్ కంగారుపడుతున్నారు. మేకర్స్ చెప్పినట్లే ఈ సినిమాని డిసెంబర్ లో రిలీజ్ చేస్తారా లేదా అనే చర్చ తెరపైకి వచ్చింది.
జూన్ 14 తర్వాత నుండి ప్రతి సోమవారం ఒక అప్డేట్ విడుదల చేస్తూ కన్నప్ప టీమ్ మంచి బజ్ క్రియేట్ చేసింది. ఇప్పటికే ఒక్కో సోమవారం రిలీజ్ చేసిన అక్షయ్ కుమార్, శరత్ కుమార్, మధుబాల, ఐశ్వ‌ర్య, దేవరాజ్, ముఖేష్ రిషి, మంచు అవ్రామ్, అర్పిత్ రంకా, టిక్కి, బ్రహ్మానందం, సప్తగిరి పాత్రల ఫస్ట్ లుక్ పోస్టర్లు ఆకట్టుకున్నాయి. అయితే బ్రహ్మానందం, సప్తగిరిల పోస్టర్ రిలీజ్ చేసి మూడు వారాలు గడిచింది. తర్వాత నెక్స్ట్ అప్డేట్ రాకపోవడంతో ఫ్యాన్స్ ఫీల్ అవుతున్నారు. ఇక సినిమాని డిసెంబర్ రిలీజ్ చేస్తామని చెప్పిన ఇంకా రిలీజ్ డేట్ ప్రకటించకపోవడంతో ఫ్యాన్స్ కన్నప్పకి ఏమైందంటూ వర్రీ అవుతున్నారు.
ఇక డిసెంబర్ మొదటి వారంలో పుష్ప రిలీజ్ కానుంది. అనంతరం క్రిస్మస్ బరిలో నితిన్ 'రాబిన్ హుడ్', ప్రియదర్శి 'సారంగపాణి జాతకం', గౌతమ్ తిన్ననూరి 'మ్యాజిక్', శారీ, పతంగ్ సినిమాలు ఉన్నాయి. అయితే రాం చరణ్ 'గేమ్ ఛేంజర్', నాగ చైతన్య 'తండేల్' సినిమాలు క్రిస్మస్ పోటీ నుండి తప్పుకొని సంక్రాంతి బరిలోకి వెళ్లిన విషయం తెలిసిందే. ఈ క్రమంలో 'కన్నప్ప' ఎప్పుడు రిలీజ్ చేస్తారు అనే అంశం హాట్ టాపిక్‌గా మారింది.
ఇటీవల ‘కన్నప్ప’ టీమ్ ఓ వినూత్న కార్యక్రమానికి శ్రీకారం చుట్టింది. కలెక్షన్ కింగ్ మోహన్ బాబు, విష్ణు మంచు, దర్శకుడు ముఖేష్ కుమార్, నటుడు అర్పిత్ రంకాతో కలిసి కేదార్‌నాథ్, బద్రీనాథ్ రిషికేశ్‌లో ఆధ్యాత్మిక తీర్థయాత్రకు బయలుదేరారు. ఈ బృందం దైవిక ఆశీర్వాదం కోసం ఈ పవిత్ర యాత్రను చేపట్టింది. పన్నెండు జ్యోతిర్లింగాలలో ఒకటైన కేదార్‌నాథ్‌ను ‘కన్నప్ప’ టీం సందర్శించింది. ఆపై బద్రీనాథ్‌లో ప్రార్థనలు కూడా చేశారు. రిషికేశ్ సందర్శనతో వారి ప్రయాణం ముగిసింది.