Vijay and Rashmika: ఇష్టమైన సినిమా.. హిందీలో దుమ్ములేపుతోంది!

‘డియర్‌ కామ్రేడ్‌’పై (Dear Comrade) హిందీ ప్రేక్షకులు చూపిస్తోన్న ఆదరణకు ఇన్ స్టాగ్రామ్‌ వేదికగా దన్యవాదాలు తెలిపారు  విజయ్‌ దేవరకొండ (Vijay Devarakonda). భరత్‌ కమ్మ దర్శకత్వంలో విజయ్‌ దేవరకొండ - రష్మిక (Rashmika mandanna) జంటగా నటించిన ఈ చిత్రం 2019లో విడుదల కాగా ఆశించిన స్థాయిలో అంచనాలను అందుకోలేకపోయింది. అయితే, ఈ చిత్రం హిందీ వెర్షన్‌కు యూట్యూబ్‌లో భారీ ప్రేక్షకాదరణ లభించింది. 400 మిలియన్ల మంది ఈ చిత్రాన్ని వీక్షించారు. దీనిపై ఆనందం వ్యక్తం చేస్తూ విజయ్‌ దేవరకొండ పోస్ట్‌ పెట్టారు. ఆ పోస్ట్‌కు రష్మిక స్పందించారు. (Dear comrade hindi version)

‘400 మిలియన్ల మంది ‘డియర్‌ కామ్రేడ్‌’ వీక్షించారు. 2019లో ఈ సినిమా రిలీజైన రోజు వచ్చిన స్పందనకు మేమెంతో బాధపడ్డాం.. కానీ, ఈరోజుకూ ఈ మూవీ అంటే మాకెంతో ఇష్టం, ప్రత్యేకం. ‘డియర్‌ కామ్రేడ్‌’ నాకు నచ్చిన సినిమా.. నచ్చిన కథ’ అని పేర్కొన్నారు.

ఈ పోస్ట్‌ను రష్మిక తన ఇన్‌స్టా స్టోరీలో షేర్‌ చేశారు. ‘400 మిలియన్స్‌ లవ్‌. ‘డియర్‌ కామ్రేడ్‌’ నాకెప్పటికీ అత్యంత ప్రత్యేకమైన సినిమా’ అని రాసుకొచ్చారు. ఇక విజయ్‌-రష్మిక కలిసి రెండు సినిమాల్లో నటించారు. వాటిలో ‘గీత గోవిందం’ బ్లాక్‌ బస్టర్‌ హిట్‌ను సొంతం చేసుకుంది. ‘డియర్‌ కామ్రేడ్‌’ అంచనాలను అందుకోనప్పటికీ  స్క్రీన్ పై  ఈ జోడి ప్రేక్షకులకు వినోదాన్నిచ్చింది. ప్రస్తుతం వీళ్లిద్దరూ సినిమాలతో బిజీగా ఉన్నారు. విజయ్‌ మూడు చిత్రాల్లో నటిస్తుండగా రష్మిక 5 సినిమాల్లో అలరించేందుకు సిద్థంగా ఉన్నారు.