Tollywood Stars: అందరు స్టార్స్ మాల్దీవుల్లోనే.. ఎం జరుగుతుందంటే
ABN , Publish Date - Nov 11 , 2024 | 04:07 PM
రియల్, రీల్ లైఫ్‌లో చాలా బిజీగా ఉండే టాలీవుడ్ టాప్ స్టార్స్ అందరు మాల్దీవ్స్‌లో కలిసి ఎంజాయ్ చేస్తున్నారు. ఏకంగా తమ భార్యలని సైతం తీసుకొని పార్టీలో రెండు రోజుల నుండి హంగామా చేస్తున్నారు. ఇంతకీ ఆ పార్టీ ఎవరిచ్చారు. ఎం జరుగుతుందంటే..
టాలీవుడ్ టాప్ స్టార్స్ అందరు మాల్దీవ్స్‌లోనే మకాం వేశారు. మెగాస్టార్ చిరంజీవి, కింగ్ నాగార్జున, మహేష్ బాబు, రామ్ చరణ్, అఖిల్ అక్కినేలతో పాటు నమ్రతా శిరోద్కర్, ఉపాసన కామినేని కొణిదెల ఇలా వీళ్లంతా కలిసి మాల్దీవ్స్‌లో ఒక పార్టీలో మెరిశారు. అలాగే రెండు, మూడు రోజుల నుండి అక్కడే గడుపుతూ ఫోటోలని షేర్ చేస్తున్నారు. రియల్, రీల్ లైఫ్‌లో చాలా బిజీగా కనిపించే వీరందరూ అక్కడ ఎందుకు కలిశారు? ఎం చేస్తున్నారంటే..
టాలీవుడ్ ఫ్యాన్స్ అంత చిరు 'విశ్వంభర' ప్రాజెక్ట్‌లో, నాగ్ మల్టీ లింగ్వల్ సినిమాలతో పాటు రియాల్టీ షోస్‌లో, చరణ్ 'గేమ్ ఛేంజర్' ప్రమోషన్స్, మహేష్ బాబు 'SSMB 29' మేక్ ఓవర్‌లో, అఖిల్ న్యూ ప్రాజెక్స్ట్ బిజీ‌లలో గడుపుతున్నారని భావించారు. వాస్తవానికి వాళ్ళు ఆ పనిలోనే ఉన్న రెండు రోజులుగా కలిసి మాల్దీవ్స్‌లో ఒక పార్టీలో ఎంజాయ్ చేస్తున్నారు. ఈ టాప్ టాలీవుడ్ స్టార్స్ అందరిని ఒకే దగ్గర కలిపింది గ్రీన్‌కో ఎనర్జీ హోల్డింగ్స్ ప్రైవేట్ లిమిటెడ్ వ్యవస్థాపకుడు 'అనిల్ కుమార్ చలమలశెట్టి'. ఆయన 50వ పుట్టినరోజు సందర్భంగా ఆయన గ్రాండ్ పార్టీ ఆరెంజ్ చేశారు. దీంతో తారలంతా తమ కుటుంబాలని కట్టుకొని మరి మాల్దీవ్స్‌కి వెళ్లారు. ఆయనకు ఫిల్మ్ ఇండస్ట్రీ‌తోను మంచి సంబంధాలు ఉన్నాయి. దీంతో వీళ్ళందరూ పార్టీలో కలిసి దిగిన ఫోటోలు సోషల్ మీడియాలో వైరల్ అవుతున్నాయి.
కొంతమంది స్టార్స్ పార్టీ తర్వాత ఇంటికి చేరుకోగా చిరంజీవి, మహేష్ బాబు, రామ్ చరణ్ అక్కడే మకాం వేసినట్లు తెలుస్తోంది. తాజాగా వారంతా కలిసి దిగిన మరో ఫోటో సోషల్ మీడియాలో చక్కర్లు కొడుతోంది. ఈ ఫొటోలో చిరంజీవి, మహేష్ బాబు, రామ్ చరణ్‌లతో పాటు కాళేశ్వరం ప్రాజక్ట్ నిర్మించిన ప్రముఖ బిల్డర్ మేఘా ఇంజినీరింగ్ & ఇన్‌ఫ్రాస్ట్రక్చర్స్ లిమిటెడ్ (MEIL) అధినేత పీవీ కృష్ణ రెడ్డితో పాటు పలువురు పారిశ్రామికవేత్తలు ఉన్నారు.