Theatrical Movies: ఈ వారం థియేటర్‌లో సందడి చేసే చిత్రాలివే!
ABN , Publish Date - Feb 05 , 2024 | 01:51 PM
సంక్రాంతి బరిలో భారీ చిత్రాలు విడుదల కావడంతో ఆ తర్వాతి మూడు వారాలు చిన్న చిత్రాలు మాత్రమే విడుదలయ్యాయి. మరి ఈ వారం థియేటర్‌లో రాబోతున్న చిత్రాలేంటో చూద్దాం. రవితేజ హీరోగా కార్తిక్‌ ఘట్టమనేని దర్శకత్వంలో రూపొందిన యాక్షన్‌ థ్రిల్లర్‌ ‘ఈగల్‌’. తొలుత ఈ చిత్రం సంక్రాంతి బరిలో నిలిచింది.
సంక్రాంతి బరిలో భారీ చిత్రాలు విడుదల కావడంతో ఆ తర్వాతి మూడు వారాలు చిన్న చిత్రాలు మాత్రమే విడుదలయ్యాయి. మరి ఈ వారం థియేటర్‌లో రాబోతున్న (Theatre movies) చిత్రాలేంటో చూద్దాం. రవితేజ హీరోగా కార్తిక్‌ ఘట్టమనేని దర్శకత్వంలో రూపొందిన యాక్షన్‌ థ్రిల్లర్‌ ‘ఈగల్‌’ (Eagle). తొలుత ఈ చిత్రం సంక్రాంతి బరిలో నిలిచింది. ఇతర చిత్రాల విడుదల, నిర్మాతల మధ్య ఆరోగ్యకర వాతావరణం కోసం ఈ చిత్రం వాయిదా పడింది. ఈ నెల 9న ప్రేక్షకుల ముందుకు వచ్చేందుకు సిద్థమైంది. అనుపమ పరమేశ్వరన్‌, కావ్య థాపర్‌ కథానాయికలు.. టీజీ విశ్వప్రసాద్‌ నిర్మించారు. రవితేజ పవర్‌ఫుల్‌ పాత్రలో కనిపిస్తారని చిత్రబృందం చెబుతోంది.
రజనీకాంత్.. ‘లాల్‌ సలామ్‌’.. (Lal Salaam)
సంక్రాంతికే విడుదల కావలసిన రజనీకాంత్ ‘లాల్‌ సలామ్‌’ కూడా ఫిబ్రవరి 9వ తేదీన ప్రేక్షకుల ముందుకు రాబోతోంది. రజనీకాంత్ కీలక పాత్రలో నటించిన ఈ చిత్రానికి ఆయన కుమార్తె ఐశ్వర్య దర్శకత్వం వహించారు. లైకా ప్రొడక్షన్స్‌ సంస్థ నిర్మించింది. విష్ణు విశాల్‌, విక్రాంత్‌ హీరోలుగా నటించారు. భారత మాజీ క్రికెటర్‌ కపిల్‌దేవ్‌ ఓ ప్రత్యేక పాత్ర పోషించారు. క్రికెట్‌ ఆట చుట్టూ అల్లుకున్న ఓ యాక్షన్‌ కథాంశంతో రూపొందిన సినిమా ఇది. రజనీ ఇందులో మొయిద్దీన్‌ భాయ్‌ పాత్రలో అలరించనున్నారు. ఏ.ఆర్‌.రెహమాన్‌ ఈ చిత్రానికి సంగీతం అందించారు.
గంగతో రాంబాబు.. రీ రిలీజ్‌..
పవన్‌ కల్యాణ్‌, పూరి జగన్నాథ్‌ కాంబినేషన్లో 2012లో వచ్చిన పొలిటికల్‌ యాక్షన్‌ చిత్రం ‘కెమెరామెన్‌ గంగతో రాంబాబు’ రీరిలీజ్‌కు సిద్థమైంది. ఫిబ్రవరి 7న ఎంపిక చేసిన థియేటర్‌లలో ఈ చిత్రాన్ని ప్రదర్శించనున్నారు.
మణికందన్‌, శ్రీ గౌరి ప్రియ, కన్న రవి కీలక పాత్రల్లో నటిస్తున్న తమిళ చిత్రం ‘ట్రూ లవర్‌’. ప్రభురామ్‌ వ్యాస్‌ దర్శకత్వం వహించిన ఈ చిత్రం ఈ నెల ఫిబ్రవరి 10న తెలుగు ప్రేక్షకుల ముందుకు రానుంది. ప్రేమికుల మధ్య మోడరన్‌ డే రిలేషన్స్‌ నేపథ్యంలో ఈ చిత్రం రూపొందించినట్లు చిత్ర బృందం తెలిపింది.
