Rana Daggubati: రానా దగ్గుబాటి కొత్త షో.. స్ట్రీమింగ్ ఎప్పుడంటే

రానా దగ్గుబాటి హోస్ట్‌గా ‘ది రానా దగ్గుబాటి షో’ (The Rana Daggubati Show) సెలబ్రిటీ టాక్‌ షో సిద్ధమవుతోంది. తాజాగా ఈ షో ట్రైలర్‌ విడుదలైంది. రాజమౌళి, నాని, ప్రియాంక మోహన్‌, నాగచైతన్య, దుల్కర్‌ సల్మాన్‌, రిషభ్‌ శెట్టి, సిద్ధూ జొన్నలగడ్డ, శ్రీలీలతోపాటు రానా సతీమణి మిహికా బజాజ్‌ కూడా ఈ కార్యక్రమంలో పాల్గొన్నారు. రానాతో ఎన్నో విషయాలు షేర్ చేసుకున్నారు. ఇందులో భాగంగా.. ‘‘నీ కుటుంబం ఎలా ఉండాలని అనుకుంటున్నావు?’’ అని రానా ప్రశ్నించగా.. ‘‘సంతోషంగా పెళ్లి చేసుకుని.. కొంతమంది పిల్లలు’’ అని బదులిచ్చారు నాగ చైతన్య. ప్రస్తుతం ఈ వీడియో నెట్టింట వైరల్ అవుతోంది. నవంబర్‌ 23 నుంచి ఈ షో అమెజాన్ ప్రైమ్ లో స్ట్రీమింగ్‌ కానుంది.