Thaman: కీరవాణిని ట్యాగ్ చేస్తే తమన్ రెస్పాన్స్.. ఎంత మంచి మనసు
ABN , Publish Date - Nov 14 , 2024 | 11:17 AM
'తమన్' మరో సారి తన దాతృత్వాన్నిచాటుకున్నారు. దీంతో సామాన్య ప్రజల నుండి ఆర్టీసీ ఎండీ సజ్జనార్ వరకు అందరు ఆయనను మెచ్చుకుంటున్నారు. ఇంతకీ తమన్ ఎం చేశాడంటే..
టాలీవుడ్ టాప్ మ్యూజిక్ డైరెక్టర్ తమన్ మ్యూజిక్ మ్యాజిక్ గురించి ప్రత్యేకంగా చెప్పాల్సిన అవసరం లేదు. ఆయన డబ్బు కొట్టాడు అంటే కాలు కదలాల్సిందే. తాజాగా ఆయన 'పుష్ప 2' టీమ్ వర్క్స్ లో కూడా జాయిన్ అయినా విషయం తెలిసిందే. ఇదంతా పక్కన పెడితే తమన్ మరో సారి తన దాతృత్వాన్నిచాటుకున్నారు. దీంతో సామాన్య ప్రజల నుండి ఆర్టీసీ ఎండీ సజ్జనార్ వరకు అందరు ఆయనను మెచ్చుకుంటున్నారు. ఇంతకీ తమన్ ఎం చేశాడంటే..
ఇటీవల ఆర్టీసీ బస్సులో ఒక అంధుడు 'శ్రీ ఆంజనేయం' సినిమాలోనే ఒక పాటను అద్భుతంగా పాడారు. కాగా ఆ వీడియో వైరల్ అయ్యి సజ్జనార్ దగ్గరికి వెళ్ళింది. ఈ వీడియోను ఆయన ట్విట్టర్ లో పోస్ట్ చేస్తూ.. "మనం చూడాలే కానీ.. ఇలాంటి మ‌ట్టిలో మాణిక్యాలు ఎన్నో" అంటూ ఈ అంధ యువకుడు అద్భుతంగా పాడారు క‌దా..! ఒక అవకాశం ఇచ్చి చూడండి అంటూ ఆస్కార్ మ్యూజిక్ డైరెక్టర్ ఎం ఎం కీరవాణిని ట్యాగ్ చేశారు. ఈ నేపథ్యంలోనే ఒక ప్రముఖ మీడియా సంస్థ ఆ వికలాంగుని ఇంటర్వ్యూ చేసింది.
ఈ క్రమంలోనే తమన్ ఫ్యాన్స్ ఆ వీడియోని పోస్ట్ చేస్తూ.. తమన్ ని ట్యాగ్ చేశారు. దీనికి తమన్ వెంటనే రెస్పాండ్ అవుతూ.. “అతడు తెలుగు ఇండియన్ ఐడల్ సీజన్ 4లో కచ్చితంగా ప్రదర్శన ఇస్తాడు. ఆహా టీమ్.. ఇదినా రిక్వెస్ట్ అనుకోండి, లేదంటే ఆర్డర్ అనుకోండి. అతడికి అవకాశం కల్పించండి. నేను ఆహా వేదికపై అతడితో స్పెషల్ పర్ఫార్మెన్స్ ఇచ్చేందుకు రెడీగా ఉన్నాను. అతడిలో చక్కటి టాలెంట్ ఉంది. పర్ఫెక్ట్ పించింగ్ లో పాడుతున్నాడు. దేవుడు కొన్నిసార్లు కఠినంగా ఉంటాడు. కానీ, మనం మనుషులం. ఆయన మర్చిపోలేని అనుభవాన్ని అందించాలి. అందుకే మేం సిద్ధంగా ఉన్నాం” అంటూ తన దాతృత్వాన్నిచాటుకున్నారు
దీనికి సజ్జనార్ తమన్ కి థ్యాంక్స్ చెప్పారు.. తన ట్విట్టర్ వేదికగా.. "అద్భుత‌మైన కంఠంతో పాట‌లు ఆల‌పిస్తోన్న ఈ అంధ యువ‌కుడికి 'ఆహా' నిర్వహిస్తోన్న తెలుగు ఇండియన్ ఐడల్ లో అవకాశం ఇచ్చేలా చూస్తాన‌ని ప్ర‌క‌టించిన ప్రముఖ సంగీత ద‌ర్శ‌కుడు తమన్ గారికి ప్ర‌త్యేక కృత‌జ్ఞ‌త‌లు. ఈ అవ‌కాశంతో అద్భుత‌మైన తన టాలెంట్‌కు మ‌రింత‌గా గుర్తింపు ద‌క్కుతుంది. భవిష్యత్ లో తన మ‌ధుర‌మైన గాత్రంతో ఎంతో మందిని మంత్ర ముగ్దుల‌ను చేస్తూ ఈ యువకుడు ఉన్న‌తంగా ఎదుగుతార‌ని ఆశిస్తున్నాను" అంటూ పోస్ట్ చేశారు. దీనిపై నెటిజన్లు హర్షం వ్యక్తం చేస్తున్నారు.