Ananya Nagalla: ఏపీ సీఎంకు వ‌ర‌ద సాయం చెక్కు అంద‌జేసిన.. తెలుగు హీరోయిన్‌

ఇటీవ‌ల రెండు తెలుగు రాష్ట్రాల్లోని వరద బాధితుల సహాయార్థం ఆంధ్ర‌ప్ర‌దేశ్ (Andhra Pradesh), తెలంగాణ (Telangana) ప్రభుత్వాల పిలుపు మేరకు పలువురు సెలబ్రిటీలు విరాళాలను ప్రకటించిన విషయం తెలిసిందే.

ఈ క్ర‌మంలో ఇప్ప‌టికే టాలీవుడ్‌కు చెందిన సెల‌బ్రిటీలు త‌మ వంతు సాయం ప్ర‌క‌టించడ‌మే కాక‌ అయా రాష్ట్రాల ముఖ్య‌మంత్రుల‌ను, డిప్యూటీ సీఎంల‌ను క‌లిసి త‌మ విరాళాల‌ను అంద‌జేశారు, ఇప్ప‌టికీ అంద‌జేస్తున్నారు.

ఈ క్ర‌మంలో తాజాగా హీరోయిన్ ఆన‌న్య నాగ‌ళ్ల (Ananya Nagalla) బుధ‌వారం ఏపీ ముఖ్య‌మంత్రి చంద్ర‌బాబు నాయుడు ( Chandrababu Naidu) ని స్వ‌యంగా క‌లిసి త‌ను సీఎం స‌హాయ‌నిధికి ప్ర‌క‌టించిన వ‌ర‌ద సాయం రూ.2.5 ల‌క్ష‌ల‌ను అంద‌జేశారు. ఈ సంద‌ర్భంగా ముఖ్య‌మంత్రి చంద్ర‌బాబు నాయుడు అన‌న్యను అభినందించారు.