ఆ క్రేజీ టాలీవుడ్ డైరెక్టర్‌తో సూర్య సినిమా..
ABN , Publish Date - Dec 15 , 2024 | 07:35 AM
టాలీవుడ్‌లో హవా చూపిస్తున్న ఓ క్రేజీ కాంబినేషన్ కోలీవుడ్ స్టార్ హీరో సూర్యతో కొలాబరేట్ అయ్యేందుకు సిద్ధమైంది.
సూర్య హీరోగా, చిరుత్తై శివ దర్శకత్వంలో వచ్చిన ‘కంగువా’ (Kanguva) చిత్రం బాక్సాఫీస్‌ వద్ద బోల్తాపడింది. దీంతో సూర్య నెక్స్ట్ ప్రాజెక్ట్ పై ఫోకస్ చేయనున్నాడు. ప్రస్తుతం సూర్య చేతిలో కార్తీక్ సుబ్బరాజు ప్రాజెక్ట్ తో పాటు మరో ప్రాజెక్ట్ ఉంది. ఈ క్రమంలోనే ప్రముఖ టాలీవుడ్ టాప్ ప్రొడ్యూసర్ సూర్యని ముంబైలో కలిశారు. ఆయనతో పాటు హిట్ స్ట్రీక్ నడిపిస్తున్న క్రేజీ డైరెక్టర్ కూడా ఉన్నారు. ఈ ముగ్గురి కాంబినేషన్‌లో ఓ క్రేజీ ప్రాజెక్ట్ తెరకెక్కించనున్నట్లు తెలుస్తోంది. ఇంతకీ ఆ స్టార్ ప్రొడ్యూసర్, క్రేజీ డైరెక్టర్ ఎవరంటే..
‘సార్’ వంటి ఘన విజయం తర్వాత వెంకీ అట్లూరి-సితార ఎంటర్‌టైన్‌మెంట్స్‌ కాంబినేషన్‌లో తెరకెక్కిన 'లక్కీ భాస్కర్' సినిమా బ్లాక్ బస్టర్ గా నిలిచింది. మరోసారి మోక్షజ్ఞ సినిమా కోసం వెంకీ అట్లూరితో నాగవంశీ జతకట్టిన విషయం కూడా తెలిసిందే. అయితే ఈ కాంబినేషన్ ఇంకోసారి కొలాబరేట్ కానున్నారు. అదే సూర్య కొత్త సినిమా కోసం. తాజాగా ఈ ముగ్గురు ముంబైలో కలిశారు. వెంకీ అట్లూరి కథ వినిపించారు. నాగవంశీ ప్రొడ్యూస్ చేయడానికి సిద్ధమయ్యారు. సూర్య కూడా ఆల్మోస్ట్ ఓకే చేసినట్లు తెలుస్తోంది.
‘కంగువా’ విషయానికి వస్తే.. భారీ పీరియాడిక్ యాక్షన్ ఫిల్మ్‌గా దర్శకుడు శివ ఈ చిత్రాన్ని తెరకెక్కించారు. దిశా పటానీ, బాబీ డియోల్ కీలక పాత్రల్లో నటించారు. నవంబర్ 14న థియేటర్లలోకి వచ్చిన ఈ చిత్రం ప్రస్తుతం ఓటీటీలో స్ట్రీమింగ్‌కి వచ్చేసింది. అమెజాన్ ప్రైమ్ ఓటీటీలో ఈ సినిమా స్ట్రీమింగ్ అవుతోంది.