Suriya: తెలుగులో సూర్య క్రేజ్ చూశారా.. సూర్య ఎమోషనల్
ABN , Publish Date - Oct 25 , 2024 | 02:41 PM
తెలుగు ప్రేక్షకుల ప్రేమ చూసి సూర్య ఎమోషనల్ కాకుండా ఉండలేకపోయారు. ఇంతకీ ఏమైందంటే..
కోలీవుడ్ స్టార్ హీరో సూర్య(Suriya) కంగువ సినిమాతో త్వరలోనే ప్రేక్షకుల ముందుకు రానున్నాడు. ఈ సినిమాలో బాబీ డియోల్ ప్రధాన పాత్రలో నటించాడు. ఇప్పటికే రిలీజైన ఈ సినిమా టీజర్, సాంగ్స్ మంచి ఆదరణ పొందాయి. కాగా తెలుగులో ప్రమోషన్స్ నిమిత్తం గురువారం ఆయన అన్ స్టాపబుల్ షోకి అటెండ్ అయ్యారు. సూర్యతో పాటు బాబీ డియోల్ కూడా ఈ షోలో పాల్గొన్నారు. అన్నపూర్ణ స్టూడియోస్ లో ఈ ఎపిసోడ్ షూటింగ్ జరగగా.. సూర్యని చూసేందుకు అభిమానులు ఎగబడ్డారు. దీంతో తెలుగు ప్రేక్షకులని చూసి సూర్య ఎమోషనల్ కాకుండా ఉండలేకపోయారు. ఇంతకీ ఏమైందంటే..
సూర్య సన్నాఫ్ కృష్ణన్ సినిమా రీ రిలీజ్ టైమ్ లో తెలుగు ఫ్యాన్ బేస్ చూసి ఆశ్చర్యపోయాడు. ఒక తెలుగు వాడిని కాకపోయినా ఇంతగా నన్ను ప్రేమిస్తున్న ప్రేక్షకులకి థ్యాంక్స్ అంటూ ఎమోషనల్ అయ్యాడు. తాజాగా కంగువ ప్రమోషన్స్ నిమిత్తం ఆయన బాలయ్య అన్ స్టాపబుల్ షోకి హాజరయ్యారు. దీంతో ఆయనను చూసేందుకు అభిమానులు ఎగబడ్డారు. షో నిర్వాహకులు ఊహించిన దానికంటే ఎక్కువ అభిమానులు రావడంతో అంత షాక్ అయ్యారు. ఒక దశలో ఫ్యాన్స్ ని కంట్రోల్ చేయలేక సెక్యూరిటీ చేతులేత్తిసింది. దీంతో సూర్య తన ప్రసంగంలో ఏడ్చినంత పనిచేశాడు. ఇక తెలుగు వారు ఒక్కసారి ప్రేమిస్తే మర్చిపోలేరు సూర్య అంటూ.. ఫ్యాన్స్ కామెంట్స్ చేస్తున్నారు.
దేవిశ్రీ ప్రసాద్ ఈ సినిమాకి సంగీతం అందిస్తుండగా. ప్రముఖ నిర్మాణ సంస్థలు స్టూడియో గ్రీన్, యూవీ క్రియేషన్స్ సినిమాను భారీ నిర్మాణ విలువలతో నిర్మిస్తున్నాయి. పీరియాడిక్ యాక్షన్ ఫిల్మ్‌గా తెరకెక్కుతోన్న ఈ చిత్రానికి శివ దర్శకుడు. దిశా పటానీ (Disha Patani) హీరోయిన్‌గా నటిస్తోన్న ఈ సినిమాలో బాబీ డియోల్ (Bobby Deol) కీ రోల్ ప్లే చేస్తున్నారు. మరోవైపు సూర్య 44కి సెన్సేషనల్ మ్యూజిక్ డైరెక్టర్ సంతోష్ నారాయణ్ బాణీలు అందిస్తున్నాడు.