Sonu Sood: రియల్ లైఫ్ హీరో 'సోనూసూద్‌'కి అరుదైన గౌరవం
ABN , Publish Date - Nov 10 , 2024 | 01:28 PM
రియల్ లైఫ్ హీరో 'సోనూసూద్‌'కి అంతర్జాతీయంగా అరుదైన గౌరవం దక్కింది. ఈ మేరకు అభిమానులు ఇది తమకు ఎంతో గర్వకారణమని సోనూసూద్‌‌ని అభినందిస్తున్నారు. ఇంతకీ ఆ అరుదైన గౌరవం ఏంటంటే..
కరోనా, లాక్‌డౌన్‌ సమయంలో వేలాది మందికి అండగా నిలిచారు సోనూసూద్‌ (Sonu sood). వలస కార్మికులు, పేదలు , విదేశాల్లో ఉండిపోయిన ఎంతోమంది 'ఆపదలో ఉన్నాం' అని చిన్న సందేశం ఇవ్వడం చాలు ‘నేనున్నా’ అంటూ సహకారం అందించి రియల్ హీరో అనిపించుకున్నారు. అయితే తాజాగా ఆయనకు మరో అరుదైన గౌరవం దక్కింది. ఈ సారి జాతీయంగా కాదు అంతర్జాతీయంగా దక్కింది. ఇంతకీ అదేంటంటే..
Also Read-కుమారుడి పెళ్లిలో కన్నీటితో కూలబడిన స్టార్ యాక్టర్
రియల్ లైఫ్ హీరో సోనూసూద్‌‌ని థాయ్‌ల్యాండ్ గవర్నమెంట్ అరుదైన పోస్ట్ ఇచ్చి గౌరవించింది. థాయ్‌ల్యాండ్ అంటేనే గుర్తొచ్చేది టూరిజం. ప్రతియేడాది కోట్లల్లో అంతర్జాతీయ టూరిస్టులు ఈ దేశాన్ని విజిట్ చేస్తుంటారు. మరోవైపు తన సేవలతో అంతర్జాతీయ గుర్తింపు పొందిన సోనూసూద్‌‌ని ఆ దేశ టూరిజం బ్రాండ్ అంబాసిడర్‌గా నియమించింది థాయ్‌ల్యాండ్ గవరన్మెంట్. అలాగే ఆయనను టూరిజం అడ్వైజర్‌గాను ఎంపిక చేసింది. ఈ విషయాన్నీ ఆయన ట్విటర్ వేదికగా షేర్ చేశారు. . ఈ మేరకు అభిమానులు ఇది తమకు ఎంతో గర్వకారణమని సోనూసూద్‌‌ని అభినందిస్తున్నారు.