MaayaOne: సందీప్ కిషన్ 'మాయావన్' స్ట్రైకింగ్ టీజర్ విడుదల
ABN , Publish Date - May 10 , 2024 | 05:40 AM
హీరో సందీప్ కిషన్, క్రియేటివ్ డైరెక్టర్ సివి కుమార్ ల కాంబినేషన్‌లో వచ్చిన సెన్సేషనల్ హిట్ ప్రాజెక్ట్‌జెడ్/మాయవన్. తాజాగా ఈ చిత్రం సీక్వెల్ కోసం మరోసారి చేతులు కలిపారు.
హీరో సందీప్ కిషన్ (Sundeep Kishan), క్రియేటివ్ డైరెక్టర్ సివి కుమార్ (C V Kumar) ల కాంబినేషన్‌లో వచ్చిన సెన్సేషనల్ హిట్ ప్రాజెక్ట్‌జెడ్/మాయవన్ (Project Z). తాజాగా ఈ చిత్రం సీక్వెల్ కోసం మరోసారి చేతులు కలిపారు. ఎకె ఎంటర్‌టైన్‌మెంట్స్ బ్యానర్‌పై అత్యంత భారీ బడ్జెట్‌తో 'మాయవన్' పేరుతో ఈ చిత్రం రూపొందుతోంది. ఈ సైన్స్ ఫిక్షన్ యాక్షన్ థ్రిల్లర్ మాయవన్ వరల్డ్ నేపధ్యంలో వుంటుంది. ఈ సైన్స్ ఫిక్షన్ యాక్షన్ థ్రిల్లర్‌ను అడ్వెంచర్స్ ఇంటర్నేషనల్ ప్రైవేట్ లిమిటెడ్ సమర్పిస్తోంది. రాంబ్రహ్మం సుంకర నిర్మిస్తున్నారు. కిషోర్ గరికిపాటి (జికె) ఎగ్జిక్యూటివ్ నిర్మాత.
హీరో సందీప్ కిషన్‌కి పుట్టినరోజు శుభాకాంక్షలు తెలియజేస్తూ, మేకర్స్ ఇటీవల విడుదల చేసిన ఫస్ట్ లుక్‌కి అద్భుతమైన స్పందన రాగా గురువారం సినిమా టీజర్ (Maaya One Teaser)ను విడుదల చేశారు. టీజర్ మాయవన్ ప్రపంచాన్ని, అందులోని ప్రధాన పాత్రలను కూడా పరిచయం చేస్తుంది. మంచులో ఉన్న సైన్స్ ల్యాబ్‌ను చూపడంతో టీజర్ ఓపెన్ అయ్యింది. అక్కడ మెదడును ఒక వ్యక్తి నుంచి మరొకరికి బదిలీ చేయడానికి ప్రయోగాలు జరుగుతున్నాయి.
నీల్ నితిన్ ముఖేష్ (Neil Nitin Mukesh) పోషించిన సూపర్‌విలన్‌కు సూపర్ పవర్స్ ఉన్నాయి, అయితే సందీప్ కిషన్ పోషించిన సామాన్యుడు కూడా చివరికి కొన్ని పవర్స్ తో వస్తాడు. ఆకాశ రంజన్ కపూర్‌తో సందీప్ కిషన్ లవ్ ట్రాక్‌ను కూడా చూపించారు. టీజర్ ఇంటెన్స్ యాక్షన్ బ్లాక్‌తో యాక్షన్-ప్యాక్డ్ నోట్‌తో ముగుస్తుంది. టీజర్ సినిమాపై చాలా క్యురియాసిటీని కలిగిస్తుంది.
సందీప్ కిషన్ అద్భుతమైన స్టంట్స్ చేస్తూ మ్యాన్లీగా కనిపించారు. సి.వి.కుమార్ వండర్ ఫుల్ వరల్డ్ ని సృష్టించారు. విజువల్స్ కన్నుల పండగలా వున్నాయి. మాయావన్ సూపర్‌విలన్‌తో ఒక సామాన్యుడి పోరాటాన్ని చూపే కథ. సందీప్ కిషన్ సరసన ఆకాంక్ష రంజన్ కపూర్ (Akansha Ranjan Kapoor) హీరోయిన్‌గా నటిస్తోంది. చిత్రానికి కార్తీక్ తిల్లై & కవిన్ రాజ్ డీవోపీలు గా పని చేస్తుండగా, సెన్సేషనల్ కంపోజర్ సంతోష్ నారాయణన్ సంగీతం అందిస్తున్నారు. ఈ సినిమా షూటింగ్ ప్రస్తుతం హైదరాబాద్‌లో జరుగుతోంది.